Jambylda 2 myńnan astam sporttyq jarys ótip, oǵan 371 myń adam qatysqan

О́ńir sportynyń, onyń ishinde buqaralyq sporttyń damý kórsetkishi, árıne ótkizilgen sporttyq jarystar men qol jetkizgen tabystarmen ólsheneri aqıqat. Atap aıtar bolsaq, jyl basynan oblys boıynsha salaýatty ómir saltyn nasıhattaý baǵytynda barlyǵy 2065 sporttyq is-shara uıymdastyrylyp, atalǵan is-sharalarǵa 371,7 myń adam qatysty.

Sonyń ishinde sońǵy tórt jylda sport jáne bilim basqarmalary birlesip ókizip kele jatqan oblystyq kishi fýtbol, voleıbol, basketbol sport túrlerinen «Mektep Lıgasy» sporttyq oıyndaryna 130 myńnan astam oqýshy qatysty.

Sondaı-aq, «Qazaqstan Barysy» respýblıkalyq týrnıriniń irikteý jarysy, «Ákem, anam jáne men – bizdiń sporttyq januıa!» oıyndary, «Eńbek jastary», «Etnomádenı birlestikteri» qyzmetkerletiniń arasynda spartakııada, joǵary jáne arnaıy orta bilim beretin oqý oryndarynyń stýdentteri arasyndaǵy spartakıada, quqyq qorǵaý organdarynyń memlekettik qyzmetshileri arasyndaǵy kishi fýtboldan oblystyq týrnır, memlekettik qyzmetshiler arasyndaǵy oblystyq spartakıada oblysta dástúrli ótkizilýde.

Sonymen qatar, jyl basynan bastap fýtboldan áýesqoılar arasynda Jambyl oblysynyń chempıonaty jáne memlekettik qyzmetshiler arasynda voleıboldan «Túngi Lıga» oıyndary ótkizilýde.

Oblystyq sport basqarmasy – oblysta ulttyq sport túrlerin damytý maqsatynda birqatar jańa jobalardy qolǵa alyp otyr. Mysaly, Elbasy N.Á.Nazarbaev usynǵan «Bolashaqqa baǵdar: rýhanı jańǵyrý» baǵdarlamasy aıasynda jasóspirimder arasynda komandalyq «Alańdaǵy toǵyzqumalaq» oıynynan oblystyq chempıonaty men oblystyq «Aýla oıyndary festıvali» ótkizilýde. Sonymen qatar, «Kóshe oıyndary» festıvali Taraz qalasy men aýdandarda damytylyp otyr.

Atalǵan is-sharalar respýblıka boıynsha alǵash ret Jambyl oblysynda bastaý alyp otyrǵandyǵyn jáne úshinshi jyl qatarynan ótkizile bastaǵandyǵyn da aıta ketken jón.

Bir sózben aıtqanda Jambyl oblysynyń sporty búginde josparly túrde jumystarynyń nátıjesinde qalypty damyp keledi. О́ńir sportyn órkendetý jolyndaǵy maqsatty jumystardyń barlyǵy oblys basshysy Asqar Myrzahmetovtyń tikeleı qoldaýymen iske asyrylyp otyr. Jalpy, jambyldyqtar sport áleminde, onyń ishinde halyqaralyq sport jarystarynda qol jetkizilgen tabystarmen shektelmeı, aldaǵy ýaqytta jańa bıikterdi baǵyndyrýǵa bar kúsh-jigerin jumsaýǵa daıyn.