Jambylda 2 jyl ishinde 266 sport alańshasy salynbaq

Sportpen turaqty shuǵyldanýshylar úshin jaqsy jabdyqtalǵan sporttyq nysandardyń asa qajet ekeni belgili. Bul rette, Jambyl oblysynda atalǵan qajettilik barynsha ótelgen. Atap aıtqanda, búgingi kúnge oblysta sport nysandarynyń jalpy sany 2 364-ke jetken. Onyń ishinde aýdandarda 1 856 sport nysany ornalasqan.

Oblys turǵyndarynyń júıeli túrde dene shynyqtyrý jáne sportpen shuǵyldanýy úshin qoljetimdi 2305 sport nysany anyqtalǵan. Bul jalpy sport nysandarynyń 98 paıyzyn qurady. Jyl sońyna deın qoljetimdi sport nysandarynyń kórsetkishin 100 paıyzǵa jetkizý josparlanyp otyr.

Atalǵan nysandarda jyl saıyn turǵyndardyń sportpen shuǵyldanýdyń arnaıy kestesi jasalyp, ol jergilikti baspasóz betterinde, áleýmettik jelilerdegi paraqshalaryna turaqty túrde jarııalaý tájirıbesi ornyqqan.

Sonymen qatar, aldaǵy ýaqytta sabaqtan tys bos ýaqytta orta mektepterdiń sport zaldaryn paıdalaný úshin Jambyl oblysy ákimdiginiń dene shynyqtyrý jáne sport, bilim basqarmalary, Taraz qalasy men aýdan ákimdikteri arasynda 3 jaqty merzimsiz memorandým jasaldy.

Sonymen qatar, Qazaqstan Respýblıkasy Mádenıet jáne sport mınıstriniń 2015 jylǵy 14 mamyrdaǵy № 178 buıryǵyna sáıkes bekitilgen preskýrantpen «Taraz-Arena» sport saraıy, №4 oblystyq mamandandyrylǵan balalar-jasóspirimder sport mektebiniń tennıs korty jáne «Delfın» júzý basseıninde 7 jasqa deıingi balalar, kóp balaly otbasynyń mektep jasyndaǵy balalary, balalar úıiniń tárbıelenýshileri sportpen tegin shuǵyldanýyna jáne stýdentter men mektep oqýshylary tıisti qujattardy kórsetken jaǵdaıda baǵa preıskýrantyndaǵy barlyq tarıfterdi 50 paıyzdyq jeńildikpen paıdalana alady.

Budan bólek, jergilikti turǵyndardyń dene shynyqtyrý jáne sportpen shuǵyldanýy úshin aýlalarda, parkterde jáne saıabaqtarda 2019- 2020 jyldar aralyǵynda Taraz qalasy men aýdandarda 266 sport alańshasyn salý josparlanyp otyr. Onyń ishinde 2019 jyly 174 sport alańshasy, 2020 jyly 92 sport alańshasy ashylady.

Atap aıtqanda, Taraz qalasynda 86 sport alańshasy, Baızaq aýdanyndada 19, Jambyl aýdanyndada 18, Jýaly aýdanyndada 10, Qordaı aýdanyndada 21, Merki aýdanyndada 15, Moıynqum aýdanyndada 16, Talas aýdanyndada 10, Sarysý aýdanyndada 14, T.Rysqulov aýdanyndada 13, Shý aýdanyndada 44 sport alańshasy salynbaq. Onda turǵyndar fýtbol oınap, strıtvorkaýtpen aınalysyp, ózge sport túrlerimen shynyǵa alady.