• USD 389.52
  • EUR 429.21
  • RUB 6.07
  • CNY 54.94
14 Qazan, 05:17:09
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

21 Qyrkúıek, 2019 Aımaqtar

Mádenıet mekemelerinde "ashyq esik" kúni ótti

Jambyl oblys ákimdiginiń mádenıet, arhıvter jáne qujattama basqarmasy men Jambyl oblysy ákimdiginiń ishki saıasat basqarmasynyń «О́ńirlik kommýnıkasııalar qyzmetiniń» birlesip uıymdastyrýymen «ashyq esik» kúni ótti. Shara shymyldyǵyn Sh.Ýálıhanov atyndaǵy oblystyq ǵylymı-ámbebap kitaphanasynda oblys ákimdiginiń mádenıet, arhıvter jáne qujattama basqarmasynyń basshysy Dúısenáli Byqybaev ashty. Mádenıet, óner jáne arhıv qyzmetkerleri, BAQ ókilderi jáne áleýmettik jeli belsendileri qatysqan is-sharanyń basty maqsaty – basqarmanyń jumysyn kórsetip, mádenıet sala mamandarynyń eńbekterimen tanystyrý.

Kelgen qonaqtar birinshi Sh.Ýálıhanov atyndaǵy oblystyq ǵylymı ámbebap kitaphanasynyń ishin aralady. Alǵashynda kitaphana dırektory Elmıra Abdınova ǵımarat ishin tanystyryp, ary qaraı mekeme qyzmetkerleri atqaratyn jumystaryn kórsetti. Zamanaýı kitaphana ómiri qonaqtarymyzǵa qyzyqty boldy.

Ádebıet pen teatrdyń, beıneleý óneri men mýzykanyń kórkemdik qasıetterin utymdy paıdalanatyn kóp salaly ónerdiń bir túri – kıno álemi. Jospar boıynsha kelesi nysan – oblystyq kıno ortalyǵy. Osy bir qıyn ári qyzyqty jumys barysyn Jambyl oblystyq kıno ortalyǵy dırektorynyń orynbasary Jeńis Qalmurzaev baǵdarlap túsindirdi. Kınonyń keshegisin, búgingisin jáne bolashaǵyn, jalpy osy álemniń jetistikterin aıtyp, fılmderden úzindi kórsetti.

Sharaǵa qatysýshylar endigi kezekte Jambyl oblystyq qazaq drama teatryna at basyn burdy. Shara aıasynda, jaqynda kórermen nazaryna usynylatyn jańa qoıylymdar habarlanyp, qonaqtarymyzǵa arnaıy shaqyrtýlar berildi. Teatr basshysy Bolat Bekjanov qonaqtarǵa teatr tarıhynan syr shertip, óz ómirindegi estelikterimen bólisti.

Arhıv – tarıh aınasy ekeni ótirik emes. О́tkenimizdi bilmeı, qandaı jádigerlerimizdiń baryn bilmeı, alǵa qadam jasaı almaımyz. Osyndaı maqsatpen ashyq esik kúnine qatysýshylar Jambyl oblysynyń memlekettik arhıvine taban tiredi. Arhıv dırektory Qaldykúl Bashenova bastaǵan mekeme qyzmetkerleri oblysymyzdyń kóne jádigerleri men qujattary qalaı saqtalatynyn, olardy kez-kelgen ýaqytta qalaı kóre alatynymyzdy jiti túsindirip berdi.

Bárimizge belgili, aǵymdaǵy jyldyń 5 qyrkúıeginde oblystyq tarıhı-ólketaný mýzeıinde Elbasymyzdyń kóshpeli qor kórmesi ashylǵan bolatyn. Ashyq esik kúniniń baǵdarlamasyna sáıkes, mýzeıge kelgen qonaqtar kórmege ekskýrsııa jasap, Tuńǵysh Prezıdentimizdiń tarıhy men jeke ómirinen syr shertetin qundy dúnıelerimen tanys boldy.

Baǵdarlamaǵa sáıkes, K.Ázirbaev atyndaǵy Jambyl oblystyq fılarmonııasy. Sahnanyń syrtynda bolyp jatqan dúnıelerdi kórý ár adamǵa qyzyqty. О́ner ıeleri tek el aldynda emes, sol eldiń aldyna shyǵýdyń qamyn qalaı jasaıtynyn áleýmettik jeli qoldanýshylary men BAQ ókilderine kórsetildi. Fılarmonııa ómirimen K.Ázirbaev atyndaǵy Jambyl oblystyq fılarmonııasy dırektorynyń orynbasary Jandos Omarov tanystyrdy.

Ashyq esik kúnine kelgen qonaqtar jalpy 6 mekemeni aralap, árqaısysymen tanysyp shyqty. «Ashyq esik» kúni barysynda ózderiniń kókeıinde turǵan suraqtary qoıylyp, mádenıet salasynyń tynys-tirshiligi týraly tolyq maǵlumat ala bildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir