Tártip saqshylary turǵyndar tilegin front-ofıste tyńdaıdy

Jambyl oblysy Sarysý aýdandyq polısııa bólimi janynan Memleket basshysynyń Joldaýynan týyndaǵan mindetterdi oryndaý maqsatynda «front-ofıs» ashyldy.

«Azamattardy qabyldaý bóliminiń» ashylý saltanatyna oblystyq Polısııa departamenti bastyǵynyń orynbasary, polısııa polkovnıgi Temirbek Orazymbetov qatysyp, ashylǵaly otyrǵan bólimniń mańyzdylyǵyn túsindirdi. Aýdan jurtyshylyǵyn quttyqtaı otyryp, Memleket basshysy Qasym-Jomart Toqaev óz Joldaýynda: «Quqyq qorǵaý júıesin tolyq reformalaý – asa mańyzdy mindetterdiń biri» ekendigine nazar aýdara otyryp, polıseıler jumysynyń tıimdiligin, qyzmet kórsetý sapasyn arttyrý máselesine keńinen toqtaldy.

Sodan soń aýdandyq máslıhat hatshysy S.Begeev sóz sóılep: «Joldaýda aıtylǵan tapsyrmalardy oryndaý maqsatynda, búgin halyqqa qyzmet kórsetý qaǵıdaty boıynsha aýdandyq polısııanyń zamanaýı front-ofısine jınalyp otyrmyz.

Bul front-ofıste aýdan turǵyndary polısııa salasyna qatysty máselelerin aıtyp, qabyldanǵan aryzdar boıynsha suraqtary men ótinishterin arnaıy mamandarǵa joldaı alady. Sanaýly ýaqyttar ishinde sheshilýine múmkindik beriledi.

Munda otyratyn arnaıy polısııa mamandary azamattarǵa túsindirmeler men keńester berip, máselelerin jedel qaraıdy degen senimdemiz.

Ony árıne, osy front-ofıs ornalasqan polısııa bólimshesiniń qyzmetkerleri, anyqtaýshylar, tergeýshiler jáne kóshi-qon qyzmeti tobynyń mamandary jedel atqarady.

Osyndaı qadamdar jasaý arqyly, polısııa beınesi memlekettik kúshtik qurylymnan birte-birte qaýipsizdikti qamtamasyz etý úshin azamattarǵa qyzmet kórsetetin organǵa aınalady degen oıdamyz.

Endeshe, front-ofıs qyzmetine sáttilik tileımin! Iske sát» – dedi.

Kelesi kezekte Ishki ister organdarynda uzaq jyldar qyzmet etip, zeınetkerlikke shyqqan, ardagerler keńesiniń tóraıymy Jumakúl Shakırova da sózinde bul ofıstiń QR Ishki ister mınıstriniń nusqaýyna sáıkes, sondaı-aq,aýdan ákiminiń eleýli kórsetken qoldaýy arqasynda osy ıgilikti ister júzege asyp, polısııa qyzmetiniń halyqqa qol jetimdiligi arta túsetin bolady.

Eń bastysy front-ofıs qyzmetkerleri halyqpen tikeleı jumys jasaǵandyqtan, olardyń ótinishterin qaraý merzimderi qysqarady,

polısııanyń ashyqtyǵy men qol jetimdigi qamtamasyz etiledi,-deı kele qoldaý kórsetken aýdan basshylyǵyna alǵysyn jetkizdi.

Saltanatty shara aýdan ákimi Qanatbek Mádibektiń qatysýymen aýdandyq polısııa bóliminiń bastyǵy, polısııa polkovnıgi Qaırat Qaparovtyń front-ofısiniń jumysyn tanystyrýymen jalǵasyn tapty