Oqýshylar órt sóndirýshilerdiń jumysymen tanysty

«О́rt qaýipsizdik aılyǵy» aıasynda Taraz qalasy tótenshe jaǵdaılar basqarmasynyń jáne Jambyl oblysy «О́rt sóndirý jáne avarııalyq qutqarý qyzmeti» mekemesiniń qyzmetkerleri birlese otyryp barlyq bilim berý mekemelerinde órtke qarsy obektilerdi qorǵaý deńgeıin arttyrý jáne órt sóndirý-qutqarý isin tanymal etý boıynsha profılaktıkalyq jumystaryn júrgizýde.

Osyǵan baılanysty qalalyq №1 mamandadyrylǵan órt sóndirý bólimi jáne №4 órt sóndirý bóliminde mektepterdiń 9-10 synyp oqýshylary úshin «ashyq esik» kúnin uıymdastyrdy. Tótenshe jaǵdaılar qyzmetkerleriniń shara barysynda balalardy shtattan tys jaǵdaılarda durys júris-turys pen órt qaýipsizdigi erejelerine úıretti.

О́rt sóndirýshiler balalarǵa mektepte jáne turmysta órt shyqqan kezdegi qaýipsizdik sharalary týraly aıtyp berdi, 112 shuǵyl qyzmetterdiń biryńǵaı shaqyrý nómiri, 101 órt sóndirý qyzmetiniń nómiri týraly aıtty. Sondaı-aq, órt sóndirýshiler qalanyń órt sóndirý qyzmetiniń tarıhyna toqtaldy.

Mundaı shara Taraz qalalyq №1, №15 mamandandyrylǵan órt sóndirý bóliminiń jáne №4 órt sóndirý bóliminiń aýmaqtarynda da ótkizildi. Atalǵan shara barysynda Jambyl oblysy Tótenshe jaǵdaılar departamentiniń órt sóndirý mekemesi jaraǵyndaǵy zamanaýı qutqarý tehnıkalary men qutqarý jabdyqtarynyń kórmesi ótkizildi.

Oqýshylar ekskýrsııa barysynda órt sóndirýshiler men qutqarýshylardyń kásibı jumystary týraly qyzyqty áńigemelerge qanyq boldy. Qysqa merzim ishinde bıik qabatty ǵımarattarǵa shyǵý, tilsiz jaýmen alysý aıla-tásilderi, órt sóndirý jáne qutqarý tehnıkalary men qural-jabdyqtary, úıindiler astyndaǵy zardap shegýshini alyp shyǵý, kúrdeli oryndarǵa kirý tásilderi oqýshylardy tánti etti. Barlyq qutqarý tehnıkalaryn tamashalaǵan balalar, óz kezeginde túrli sıpattaǵy qutqarý jabdyqtary men qorǵaý dýlyǵalaryn qyzyǵýshylyqpen kıip kórdi.

Sondaı-aq oqýshylar sala boıynsha arnaıy murajaıǵa bas suǵyp, órtke qarsy qyzmetiniń qurylý tarıhymen keńinen tanysty. Sonymen qatar búginde kóneniń kózine aınalǵan órt sóndirý-qutqarý jaraqtaryn qoldarymen ustap kórip tańdanystaryn jasyrmady. Is-shara sońynda oqýshylar Azamattyq qorǵaý qyzmetkerlerimen estelikke sýretke tústi .