• USD 468.56

  • EUR 497.56

  • RUB 7.3

  • CNY 67.18

29 Naýryz, 03:05:06
Almaty
+35°

Jambyl óńirinde halyq kıe tutyp, kıeli dep sanaıtyn oryndar az emes. Sonyń biri Turar Rysqulov aýdanyndaǵy Aqyrtóbe aýyly mańyndaǵy Topaǵash dep atalatyn jer. Jergilikti turǵyndar bul jerde áıgili Báıdibek bıdiń báıbishesi bolǵan Domalaq ana órnek toqyǵanyn aıtady. Sondaı-aq jaqyn mańdaǵy «Sumqaıtty» jerin qazaqtar jońǵarlardy oısyrata jeńgen, dep jazady Qamshy.kz aqparat agenttigi. 

Elbasy óziniń «Bolashaqqa baǵdar: rýhanı jańǵyrý» maqalasynda qoǵam sanasyndaǵy jańǵyrýdyń, qazaqty qurmetteýdiń eń áýeli ólkeniń tarıhyn tanýdan bastalatyndyǵyn jazady. Rasynda búgingi urpaq ólkeniń tarıhyna jetik bolý arqyly ǵana babalar amanatyna adaldyq tanyta almaq. Sol sekildi batyrlar men áýlıe ananyń izi qalǵan Topaǵash jeri týrasynda adam aıtsa nanǵysyz ańyz-áńgimeler óte kóp.

–Onyń birinde bul mańda ataqty Maqtym Aǵzam Qojanyń nemeresi Nurılanyń órnek toqyǵany aıtylady. Sondaı-aq bul osy mańǵa taıaý jerde ornalasqan Sumqaıtty jerinde Bógenbaı batyr bastaǵan qazaq qoly jaýdyń betin qaıtarǵan kórinedi. Osy bir keskilesken shaıqasta kóz jumǵan batyrlardyń denesi de osy mańda jer qoınyna tapsyrylypty, –deıdi Topaǵash jaıynda shyraqshy Ǵalymjan Uzaqbaev.

Shyraqshynyń aıtýynsha bul jerge táý ete kelgender eń áýeli qudyqtan sý iship, toptana ósken aǵashtardyń túbinde turyp tilek tileıdi eken. Dál osy toptana ósken aǵashtardyń japyraqtarynyń ár túrli bolýy da bul jerdiń kıeliligin ańǵartyp tur. Tipti Topaǵashta toǵyz emdik qasıeti bar tas, úsh taı, úsh qasqyr, úsh úki, úsh aq jylan, eki elik bolǵandyǵy da aıtylady. Top aǵash degen ataýy da munda aǵashtardyń toptana ósýine bola aıtylǵan. Shyraqshy Ǵalymjan Uzaqbaev bul aǵashtardyń o dúnıelik bolǵan kisilerdiń múrdesinen ósip shyqqanyn tilge tıek etedi. Tipti bul qasıetti orynǵa kelgender bul orynǵa qatysty tylsym derekterdi jalyqpaı aıtýǵa ázir. Olardyń biri munda óz qolymen túsirilgen foto sýrette namaz oqyp turǵan kisi sulbasy anyq kórinip turǵanyna nazar aýdarady.

Jergilikti turǵyndar bar tylsym syryn ishine búkken osynaý orynda jan-jaqty ǵylymı zertteý jumystary júrgizilip, bul orynnyń Domalaq anaǵa qatystylyǵy naqtylansa degen usynystaryn aıtady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir