• USD 389.52
  • EUR 429.21
  • RUB 6.07
  • CNY 54.94
16 Qazan, 01:33:37
Saılaý qarsańynda "joǵalyp ketken" akter Shrı-Lankadan sálem joldady (vıdeo)

21 Qyrkúıek, 2019 Aımaqtar

Jambyldaǵy mádenıet salasynda 6 aýqymdy joba júzege asyrylýda

Elbasynyń «Bolashaqqa baǵdar:Rýhanı jańǵyrý», «Uly Dalanyń jeti qyry» baǵdarlamalyq maqalalary oblystyń mádenıet salasynyń damýyna tyń serpin berdi.Aǵymdaǵy jyly oblys ákiminiń qoldaýymen 6 jańa joba júzege asyrylyp jatyr, dep jazady Qamshy.kz aqparat agenttigi. 

Oblys ákimdiginiń mádenıet, arhıvter jáne qujattama basqarmasynyń basshysy Dúısenáli Byqybaevtyń aıtýynsha Elbasynyń baǵdarlamalyq maqalalary mádenıet salasyn ilgeriletý isine serpin bergen.

–Bıyl mádenıet salasynda 6 jańa jobany júzege asyrý kózdelgen. Nátıjesinde osy kúnge deıin birqatar jobalardy joǵary deńgeıde atqaryp shyqtyq. Atap aıtar bolsaq, «Jambyl – meniń jaı atym, halyq meniń –shyn atym» respýblıkalyq aqyndar aıtysy jańa sıpatta jalǵasyn tapty. Respýblıkalyq aıtysta óńir namysyn qorǵaıtyn aqyndar aýyldyq, aýdandyq irikteýden ótkizildi. Bul jyr dodasyna qatysqan 31 aqyn oblystyq aıtysqa joldama aldy. Oblystyq aıtysta ózgelerden oza shapqan 8 aıtysker óńir namysyn sóz saıysynda joǵary deńgeıde qorǵaı bildi,–dedi basqarma basshysy.

О́z sózinde Dúısenáli Dybysalyuly «Áýlıeata boıaýlary», «Kóne Taraz kúmbiri» jobalarynyń nátıjeligin tilge tıek etti.

–«Áýlıeata boıaýlary» birinshi halyq shyǵarmashylyq festıvalinde 300 sýretshi men fototilshiniń albomdary saralandy. Eń úzdik 80 jumys «Shahrıstan» mádenı-tarıhı ortalyǵyndaǵy kórme zalyna qoıylady. «Kóne Taraz kúmbiri» jańa jobanyń oblystyq irikteýi ótkizildi. Irikteýden úzdik shyqqan 6 folklorlyq ansambl respýblıkalyq kezeńde baq synady. Atalǵan óner ujymdaryna qazirdiń ózinde Brazılııa, Malaızııa memleketteri arnaıy shaqyrtý jasady,–deıdi basqarma basshysy.

Elbasynyń qoǵam sanasyn rýhanı jańǵyrtý, qoǵam sanasyna silkinis ákelýdi maqsat etken maqalalarynan týyndaǵan mindetterdi júzege asyrýda mádenıet salasyna zor jaýapkershilik artylǵan. Dál osy senimniń údesinen shyǵýda Jambyldaǵy mádenıet salasynda «Ǵıbratty óner kerýeni», «Talas tolqyndary», «Taraz sımfonııasy» festıvalderi uıymdastyrylǵan. Al oblystyń 80 jyldyq mereıtoıyna oraı «Taraz muralary» serııasymen kóp tomdyq kitaptar baspaǵa ázirlenýde. Atalǵan kóp tomdyqty málimettermen tolyqtyrý jumystaryna «Tarıhı tanymdyq ǵylymı-zertteý», «Halyq shyǵarmashylyǵy» toptary jumys jasap jatyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir