Jambyldyqtar latyn grafıkasyna negizdelgen qazaq álipbıin úırený isine belsene tartylýda

Elbasynyń «Bolashaqqa baǵdar: rýhanı jańǵyrý» baǵdarlamasynyń basty jańalyǵy latyn grafıkasyna negizdelgen qazaq jazýyna kóshý bolǵany belgili. Sáıkesinshe Jambyl oblysy aýmaǵynda bul baǵytta júıeli jumystar atqarylyp keledi. О́tken jyly basqarma tarapynan latyn grafıkasyna negizdelgen qazaq jazýyn túsindirý maqsatynda qolǵa alynǵan 4 áleýmettik joba aıasynda 120-dan asa is-sharalar ótkizilip, oǵan 150 myńǵa jýyq adam qamtylǵan, dep jazady Qamshy.kz aqparat agenttigi. 

Sondaı-aq oblys ákimdiginiń tilderdi damytý basqarmasy janyndaǵy tilderdi oqytý ortalyǵynda «Rýhanı jańǵyrý: latyn álipbıi» kabıneti ashylǵan. Bul ortalyq oblys turǵyndaryna latynnegizdi qazaq álipbıine kóshý jóninde ádistemelik kómek kórsetedi.

–Bizdiń respýblıkada alǵashqylardyń biri bolyp Elbasynyń №637 Jarlyǵymen bekitilgen latyn grafıkasyna negizdelgen qazaq tili álipbıin ınternettiń múmkindigin paıdalana otyrýǵa kóńil bóldi. Sáıkesinshe jergilikti tiltanýshy, baǵdarlamashy mamandardyń atsalysýymen Qazalipbi.kz saıty iske qosyldy. Onlaın oqytý baǵdarlamasy túrinde ázirlengen bul qosymshaǵa ınternettiń kez kelgen braýzerleri men smart telefondar arqyly kirýge bolady. Bul baǵdarlamanyń taǵy bir tıimdi tusy onyń qol jetimdiligi men ýaqyty jaǵynan shekteý bolmaýynda. Iаǵnı ınterneti bar kez-kelgen adam ózine yńǵaıly ýaqyttan teorııalyq, praktıkalyq, baǵalaý bólimderden quralǵan 18 sabaqty oqı alady,– deıdi oblys ákimdigi tilderdi damytý basqarmasy basshysynyń mindetin atqarýshy Nábıra Súımanova.

Munan bólek basqarma mamandary aýdandar men Taraz qalasynda «Til jańǵyrýy – jańa álipbı» atty latyn grafıkasyna negizdelgen qazaq tili álipbıin túsindirýge baǵyttalǵan 55 semınar-trenıng ótkizgen.

Latyn qarpine negizdelgen qazaq álipbıi men jalpyhalyqtyq dıktantty jazý uıymdastyryldy. Bul sharaǵa 128 myńǵa jýyq adam óz erikterimen qatysyp, joǵary daıyndyqtaryn kórsetti. Oblys ákimdiginiń tilderdi damytý basqarmasy janynan qurylǵan jumysshy toptar aýdandar men Taraz qalasynda «Qazaq tili emlesiniń negizgi erejeleriniń jobasyn» túsindirip, semınar-trenıngter júrgizdi.

Bir sózben aıtqanda jambyldyq jurtshylyq Elbasynyń latyn qarpine kóshý týraly bastamasyn qyzý qoldaıdy.