Jambylda "Absent" jaıly kıno túsiriledi.

Jambyl oblysynda Elbasynyń «Uly Dalanyń jeti qyry» baǵdarlamalyq maqalasy aıasynda mádenıet salasynda birqatar aýqymdy jobalar qolǵa alynyp, óz nátıjesin berýde. Atap aıtqanda, Elbasy aıtqan kınoındýstrııasyn damytý isine erekshe mán berildi. О́tken jyly óńirde jas rejısser Eljan Jarmuhamedovtyń «Saǵym» fılmi kópshiliktiń kóz aıymyna aınalsa, aldaǵy ýaqytta «Absent» dep atalatyn jańa týyndynyń túsirilim jumystary qolǵa alynatyn bolady, dep jazady Qamshy.kz aqparat agenttigi. 

1960 jyly Italııanyń Rım qalasynda ótken HVII Jazǵy Olımpıadasynda altyn medal ıelengen Absenttiń aty sol kezde Keńes Odaǵynda dúrkirep turdy. Araǵa tórt jyl salyp Tokıo Olımpıadasynda kúmis medal enshilegen Absent shyn máninde álemdik at sport tarıhynda ańyz bolyp bolǵan tulpar. Al bul tulpar 1952 jyly Jambyl oblysyndaǵy Lýgovoı asyl tuqymdy zaýytyn mal zaýytynda dúnıege kelgen. Ony báıgege dál osy zaýyt mamandary baptaǵan. Absentti bala kúninen tanyp baptaǵan jannyń biri Kárim Ásenov esimdi Uly Otan soǵysynyń ardageri edi. Maıdan dalasynda atty ásker sapynda júrip ótip, polk komandıriniń orynbasarlyǵyna deıin kóterilgen maıdanger soǵystan soń sanaly ǵumyryn at baptaýǵa arnaıdy.

Sol sekildi tanymal jýrnalıst Qalybek Atjan jazǵan «Absent» maqalasynda da aty jer júzine tanylǵan tulpar jaıyndaǵy birqatar tyń derekter keltirilgen. Maqala tanymal tulpardy baptaǵan Modash Ámireev esimdi aqsaqaldyń suqbat túrinde órbıdi. Onda aqsaqal Absenttiń arǵy teginen bastap kindiginen taraǵan urpaqtarynyń taǵdyryna deıin birshama qundy derekterdi tiline tıek etedi.

«Aqalteke atalatyn jylqy tuqymyny ataǵy alysqa ketýi Boınaý atty bastaý alady. Mine dál osy Boınaý ahalteke tuqymdas jylqylardyń atasy sanalady. Absent Boınaýdyń tórtinshi urpaǵy. Al bul aqaltekelerdiń tózimdiligimen shydamdylyǵyna Keńes odaǵy basshylarynyń kóz jetkizýiniń ózindik syry bar. 1935 jyly 34 aqaltekeni taqymǵa basqan shabandozdar Ashhabattan Máskeýge deıingi 4 myń 300 shaqyrymdy atpen júrip ótken. Mine osy joryqta kózge túsken «Arab» sáıgúliginen Absent dúnıege keldi. Osy sáıgiúlikti Marshal Semen Býdennyı №49 Áýlıeata jylqy zaýytyna syǵa tartqan. Keıin bul jylqy zaýyty jabylyp onyń búkil bazasy Lýgavoı asyl tuqymdy zaýytyna kóshirildi. Mine Absenttiń tarıhy osy jerden bastaldy» deıdi aqsaqalǵa óz suqbatynda.

Taǵy bir málimetterde Absenttiń kindiginen taraǵan 70-ke jýyq qulynnyń ishinde Abaqan, Aıdar esimdi tulparlardyń bolǵandyǵy daı aıtylady.

Fılmde dál osy derekter paıdalanylsa onyń mazmuny meılinshe baıı túser edi.