• USD 389.52
  • EUR 429.21
  • RUB 6.07
  • CNY 54.94
16 Qazan, 03:59:33
Saılaý qarsańynda "joǵalyp ketken" akter Shrı-Lankadan sálem joldady (vıdeo)

19 Qyrkúıek, 2019 Aımaqtar

"100 jańa oqýlyq" jobasy din salasyna da tyń serpin beredi

Elbasynyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan «Jańa gýmanıtarlyq bilim: Qazaq tilindegi 100 jańa oqýlyq» jobasy aıasynda aýdarylǵan dintanýshylardyń eńbekteri Jambyl oblysyndaǵy din salasy mamandarynyń kómekshi quralyna aınalyp keledi, dep jazady Qamshy.kz aqparat agenttigi. 

Elbasy maqalasynan týyndaǵan mindetti iske asyrý maqsatynda qolǵa alynǵan joba aıasynda qazaq tiline aýdarylǵan ulybrıtanııalyq dintanýshy Karen Armstrongtyń «Idýaızm, hrıstandyq pen ıslamdaǵy 4000 jyldyq izdenis: Qudaı taný baıany» kitaby álem moıyndaǵan týyndy sanalady. Sondyqtan bul kitap qazaq tilimen birge álemniń 30-dan astam tiline aýdarylyp, mıllıondaǵan taralymmen basylyp shyqqan. Karen Armstrongtyń bul kitaby qazir álemge áıgili Braýn, Kornel, Iel, Garvard, Kolýmbııa, Dartmýt, M.Lomonosov atyndaǵy Máskeý memlekettik ýnıversıtetterinde oqýlyq retin kádege jaraýda.

–Bul kitapta avtor Qudaıǵa sený, Jaratýshy týraly kózqarastyń ózgerýi, álemdik dinderdegi Jaratýshyny taný sıpattary syndy máseleler jaıynda sóz qozǵaıdy. Sondaı-aq dinderdiń qalyptasý tarıhy jaıly da tolyq málimetter qamtylǵan.

Shyndyǵynda bul kitaptyń jaryq kórýi Qazaqstandaǵy dintaný ǵylymy úshin aıtýly jańalyq. Sáıkesinshe Karen Armstrongtyń «Idýaızm, hrıstandyq pen ıslamdaǵy 4000 jyldyq izdenis: Qudaı taný baıany» kitabyn din salasynda eńbek etetin jastar, dál osy salaǵa mamandanyp júrgen stýdentter, ǵalymdar men oqýshylardyń ústel kitabyna aınalyp úlgerdi. Sol sebepten de «Jańa gýmanıtarlyq bilim: Qazaq tilindegi 100 jańa oqýlyq» jobasy qoǵamdyq sanany jańǵyrtý, qazaq tilin ǵylym tiline aınaldyrýǵa zor septigin tıgizedi dep bilemin,–deıdi oblys ákimdiginiń din isteri basqarmasynyń bas mamany Elnur Áskenuly.

Aıta ketý kerek, qolǵa alynǵan eki jyl ishinde álem oıshyldarynyń 19 kitaby qazaq tiline aýdaryldy. Bizdiń oblysqa búgingi kúnge qazaq tiline aýdarylǵan 19 kitaptyń 7000 danasy kelgen. О́z kezeginde bul týyndylar ártúrli salada eńbek etip júrgen, bilim alý jolynda júrgen jastar úshin paıdaly ádebıetke aınalǵan. Al joba aıasynda dintanýshy-ǵalymdardyń eńbegi shyn máninde Qazaqstandaǵy qazirgi dinı ahýaldy jan-jaqty zerdeleýge múmkindik bermek.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir