Jambylda jylyjaı sharýashylyǵy qarqyndy damýda

Jambyl oblysy Jambyl aýdanynda 90 jylyjaı bar (kólemi 8 212 ga), onyń ishinde Asa aýyldyq okrýginde – 3, Aıshabıbi aýyldyq okrýginde – 1, Aqbulym aýyldyq okrýginde – 6, Qaratóbe aýyldyq okrýginde – 79, Polatqosshy aýyldyq okrýginde - 1. Aýdan boıynsha barlyǵy 1094,7 ga egis alqaptary jańa sý únemdeý tehnologııasymen sýǵarylady. Onyń ishinde 230 ga jańbyrlatyp, 864,7 ga tamshylatyp sýarý ádisi engizilgen dep jazady Qamshy.kz aqparat agenttigi. Ústimizdegi jyly sharýa qojalyqtardyń óz qarajattary esebinen 12 mln 350 myń teńgege 5 tehnıka satyp alyndy (Qarakemer a/o – «Ǵalymjan» ShQ).

Aýdanda 2019 jylǵa arnalǵan epızootııaǵa qarsy atqarylatyn is-sharalar josparyna sáıkes 105 mln teńge bólindi. Esepti kezeńde tómendegideı egý-emdeý jumystary júrgizildi:týberkýlezge qarsy egý 32 500 bas múıizdi iri qara, 40 bas túıe; aýsylǵa qarsy egý 55 000 bas múıizdi iri qara, 228 800 bas qoı-eshki, 1 800 bas shoshqa; Sibir jarasyna 36 000 bas múıizdi iri qara, 130 000 bas qoı-eshki, 10 000 bas jylqy, 30 bas túıe, 1 600 bas shoshqa. Ehınakokkozǵa qarsy 15 000 ıtke egý jumystary júrgizildi.

2019 jyly saryp (brýsellez) aýrýyna aýdan boıynsha 27 164 bas iri qaradan jáne 113 301 bas usaq maldan qan synamalary alynyp, 40 bas MIQ men 213 bas usaq mal oń nátıje kórsetti.

Aýyl sharýashylyǵy janýarlaryn birdeılendirý jáne derekter qoryna engizý boıynsha 2019 jylǵa aýdandyq bıýdjetten 4 mln 819 myń teńge bólindi. Esepti kezeńde 22 948 bas MIQ, 123 013 bas usaq mal, 2 114 bas jylqy, 50 túıe jáne 858 bas shoshqa birdeılendi.

Qańǵybas ıtter men mysyqtardy aýlap joıý jumystaryna 3 mln 34 myń teńge bólinip, 1 090 qańǵybas ıtter aýlanyp joıyldy.

Kongo-Qyrym gemorragııalyq qyzbasyna qarsy zalalsyzdandyrý jumystarynyń birinshi kezeńi tolyq atqarylyp, ekinshi kezeńge 1 912 bas MIQ, 8 833 bas usaq mal, 504 bas jylqy, jalpy aýmaǵy 553 800 sharshy metrdi quraıtyn 885 qora-jaı jáne 29 400 sharshy metr býferlik aýmaqqa dezınseksııa jumystary júrgizilýde.

Bıyl 23 974,4 tonna sút, tiri salmaqta 4 489,2 tonna jáne soıys salmaqta 2 468,5 tonna et, 40 036,6 myń dana jumyrtqa óndirildi. 2018 jyldyń tıisti kezeńimen salystyrǵanda sút 102,9 paıyzǵa, et 105,2 paıyzǵa, jumyrtqa 116,2 paıyzǵa oryndaldy.

Aýdanda iri qara malynyń basy – 44 806, qoı-eshki – 250 631, jylqy – 19 244, túıe – 118, úı qustary – 343 533 basqa jetip, shoshqa malynyń sany 1 967 basty qurady.

Aýdan kóleminde 6 370 basqa arnalǵan 13 mal bordaqylaý alańdary (MIQ – 5 390 bas, qoı – 650 bas, jylqy – 330 bas) jáne 14 taýarly sút fermalary (MIQ – 2 230 bas, onyń ishinde 1 731 bas sıyr) bar.