Áleýmetti áleýmettik qorǵaý basty nazarda

Halyqty áleýmettik qorǵaý jáne qamsyzdandyrý sharalary memleketimizdiń ustanǵan basym baǵyttarynyń negizi. Árıne turǵyndardyń turmysyn túzeý men áleýmettiń áleýetin arttyrý Elbasynyń da, Prezıdenttiń da Joldaýynda basa aıtyldy. Sondyqtan bul baǵytqa Jambyl oblysynda aıryqsha basymdyq berilýde dep jazady Qamshy.kz aqparat agenttigi. Máselen Jambyl aýdanynda jumyssyzdyq deńgeıi 4,5% ǵana. Kúnkóristiń eń tómengi deńgeıiniń shamasy halyqtyń orta eseppen jan basyna shaqqanda 27 485 teńgeni qurady.

2019 jyly jospar boıynsha 1 474 adam jumyspen qamtyldy (jospar – 2 763 adam). Jospar 53,3%-ǵa oryndaldy. Onyń ishinde: 257 adam qysqa merzimdik kásiptik oqytýǵa, 123 adam kásipkerlik negizderin oqytýǵa joldandy jáne 45 adamǵa shaǵyn nesıe berildi, 460 adam turaqty jumysqa, 108 adam áleýmettik jumys oryndaryna, 216 adam jastar tájirıbesi boıynsha, 265 adam aqyly qoǵamdyq jumystarǵa tartyldy.

Aǵymdaǵy jyly jumyspen qamtý bólimine 1 564 adam jumysqa ornalasýǵa ótinish bildirip, onyń 1 049-y qamtyldy. Ýákiletti organdar arqyly jumyspen qamtylý deńgeıi – 67,0%-dy qurady.

Bıyl 2 670 otbasynyń 13 387 múshesine 829 425,6 myń teńge memlekettik ataýly áleýmettik kómek taǵaıyndaldy jáne 2018 jyldan ótpeli somany qosa alǵanda 978 616 myń teńge tólendi, 468 otbasynyń 2 625 múshesine 11 389,0 myń teńge turǵyn úı járdemaqysy tólendi, 103 otbasydaǵy 108 úıde oqytylyp jatqan múgedek balalarǵa 3 400 myń teńge járdemaqy taǵaıyndalyp, tólendi. Jergilikti ókiletti organdardyń sheshimi boıynsha muqtaj azamattardyń jekelegen toptaryna bir rettik áleýmettik kómek 544 adamǵa 27 911 myń teńge taǵaıyndalyp, tolyq tólendi.

Aýdan boıynsha 2 605 múgedekter tirkelgen, onyń 1 toptaǵysy 193 adam, 2 toptaǵysy 758 adam, 3 toptaǵysy 1 166 adam, 16 jasqa deıingi múgedek balalar sany 488 adam.

Jalpy 2019 jylǵa múmkindigi shekteýli 41 azamatty jumyspen qamtý josparlanǵan. Qazirgi tańda 37 azamat jumyspen qamtyldy. Onyń ishinde "Jastar praktıkasy" arqyly 1 adam, 4 adam aqyly qoǵamdyq jumysqa, 3 adam áleýmettik jumys oryndaryna, 5 adam qysqa merzimdik kásiptik oqytýǵa jáne 9 adam kásipkerlik negizderin oqytýǵa joldama aldy, 5 azamatqa shaǵyn nesıe berildi, 10 adam turaqty jumyspen qamtyldy.

Aýdandyq mekemelerge múgedekterdiń kirip-shyǵýyna jaǵdaı jasaý maqsatynda 2019 jylǵa 10 nysandy beıimdeýge 4 146,0 myń teńge bólindi.