Baǵdary aıqyn bastama

«2020 jylǵa deıin óńirlerdi damytý» baǵdarlamasynyń jergilikti ózin-ózi basqarýdy qarjylyq qoldaý baǵytyn iske asyrý aıasynda Jambyl oblysynda aýqymdy jumystar atqarylýda. «О́ńirlerdi damytý» baǵdarlamasy aıasynda 2019 jylǵa Jambyl aýdanyna jalpy somasy 73 mln 705 myń teńge bólinip, bul qarajattarǵa 17 aýyldyq okrýgke 8 aýyl ishilik joldary, 2 kósheniń trotýarlaryn jóndeý, 1 sport alańyn jáne 3 shaǵyn fýtbol alańyn ornatý, 2 shaǵyn fýtbol alańyn aǵymdy jóndeý, 1 balalar oıyn alańyn ornatý, 1 UOS eskertkishterin jóndeý jáne 3 aýyldy jaryqtandyrý jumystary júrgizilýde dep jazady Qamshy.kz aqparat agenttigi. . Jambyl aýdany boıynsha «Aýyl – El besigi» jobasy aıasynda 35 jobany iske asyrýǵa jalpy quny 726 mln 870 myń teńge qarjy qarastyryldy (respýblıkalyq bıýdjetten 654 mln 181 myń teńge, oblystyq bıýdjetten 72 mln 689 myń teńge).

Onyń ishinde: elektrmen jabdyqtaýǵa 8 jobaǵa 86 mln 005 myń teńge, sýmen jabdyqtaýǵa 1 jobaǵa 14 mln 757 myń teńge, bilim nysandaryn jóndeýge 3 jobaǵa 149 mln 533 myń teńge, sport nysandaryn jóndeýge 2 jobaǵa 175 mln 809 myń teńge, jol jóndeý jumystaryna 21 jobaǵa 300 mln 766 myń teńge bólindi.

Memlekettik satyp alýdy uıymdastyrý boıynsha 3 jobanyń qujattary oblystyq energetıka basqarmasyna usynyldy (Asa aýylyndaǵy mýzyka mektebin kúrdeli jóndeý jobasy 136 mln 451 myń teńge, Asa aýylyndaǵy sport saýyqtyrý kesheniniń qurylysy jobasy 166 mln 667 myń teńge, Asa aýylyndaǵy Abaı kóshesin ortasha jóndeý jobasy 128 mln 760 myń teńge).

Qalǵan 32 jobanyń memlekettik satyp alý uıymdastyrýshysy bolyp 1 joba boıynsha bilim bólimi jáne 31 joba boıynsha aýdandyq turǵyn úı-kommýnaldyq sharýashylyǵy, jolaýshylar kóligi jáne avtomobıl joldary bólimi bolyp tabylady.

Osy jobalar boıynsha tıisti bólimder tarapynan memlekettik satyp alý qujattary konkýrsqa berilip, jeńimpazdary anyqtaldy. Onyń ishinde 26 joba boıynsha kelisimshartqa turyp, 9 joba shaǵymdanýda (na objalovanıı) tur.

Búgingi tańda, 1 bilim berý nysany men 21 joldyń jóndeý jumystary bastaldy.

Taýarlar men qyzmetterdiń tutyný baǵalarynyń ındeksi ótken jyldyń jeltoqsanyna qaraǵanda 102,6%-dy qurady. Onyń ishinde azyq-túlik taýarlardy tutyný ındeksi 105,6%-dy, azyq-túlik emes taýarlar 102,2%-dy jáne aqyly qyzmetter 99,2%-dy qurady.

Baǵalardyń ósýine júrgizilgen monıtorıngtiń nátıjesinde, 2019 jyly aýdan kóleminde 33 áleýmettik mańyzdy azyq-túlik túrleriniń ishinde ashanalyq sábiz 33,3%-ǵa nemese 30 teńgege ósip otyr.

Aýdandaǵy 17 aýyldyq okrýgtegi 200 shaǵyn saýda oryndarymen negizgi azyq-túlik taýarlarynyń baǵasyn turaqty túrde ustap turý jáne ústeme baǵany kóp mólsherde qospaý týraly 144 memorandýmǵa qol qoıyldy.

Aýdanda 16 600 tonnalyq barlyǵy 142 kókónis saqtaý qoımalary jumys atqarady. Qazirgi ýaqytta qoımalarda 240 tonna sábiz, 2 tonna alma saqtalýda.