• USD 389.52
  • EUR 429.21
  • RUB 6.07
  • CNY 54.94
17 Qazan, 12:15:52
Prezıdenttik jastar kadr rezervine irikteýdiń kelesi kezeńine 904 qatysýshy ótti

21 Qyrkúıek, 2019 Aımaqtar

Jambylda qyzylsha dertine qarsy sharalar oń nátıjesin berýde

Kóptegen elderdegi oryn alǵan qolaısyz epıdemıologııalyq jaǵdaı Qazaqstandaǵy qyzylsha jaǵdaıyna da áser etýde. О́tken jyldyń qarasha aıynyń basynan bastap qolaısyz elderden qyzylsha ınfeksııasyn ákelý sany artypty. Bul jaǵdaı densaýlyq saqtaý organdarynyń turaqty baqylaýynda bolǵandyqtan, Jambyl oblysynda osy jyldyń tamyz aıynda atalǵan dertpen syrqattaný sáýir aıymen salystyrǵanda 5,8 esege tómendegen.

– Oblys boıynsha arnaıy kontıngentterdi (áskerı qyzmetshiler jáne Qazaqstan Respýblıkasy Qorǵanys mınıstrliginiń, Qazaqstan Respýblıkasy Ishki ister mınıstrliginiń, Qazaqstan Respýblıkasy Ulttyq qaýipsizdik komıtetiniń jeke quramy, sottalǵandar jáne tergeýmen qamalǵandar) qosa alǵanda, egý mártebesine qaramastan turǵylyqty jeri boıynsha eńbek qyzmetin vahtalyq ádispen júzege asyratyn 20-dan 29 jasqa deıingi (qosa alǵanda) 113 myńnan astam adamdy vaksınamen qamtý josparlanýda.

Vaksınasııa 332 egý pýnktterinde, 1 244 medısınalyq qyzmetkerler tarapynan júrgiziletin bolady. Qyzylshaǵa qarsy ekpeni alǵannan keıin egilgen adamda shanshý ornynda ortasha aýrý, dene qyzýynyń joǵarylaýy, sırek jaǵdaılarda denede bórtpe, 2-3 táýlikten keıin óz betimen ótetin egýge múmkin bolatyn reaksııa paıda bolýy múmkin. Ekpe aldynda medısına qyzmetkeri egiletin tulǵaǵa nemese onyń ata-anasyna, zańdy ókiline ekpe týraly, ekpeden keıin múmkin bolatyn qolaısyz belgiler jáne ımmýndaýdan bas tartý saldary týraly tolyq aqparat berýi tıis, – deıdi oblystyq taýarlar men kórsetiletin qyzmetter sapasyn baqylaý departamenti basshysynyń orynbasary Ǵazız Nadýev. Ǵazız Dúısenbekuly.

Búginde ınfeksııa oshaqtarynda epıdemııaǵa qarsy is-sharalar júrgizilip, 2 myńǵa jýyq naýqaspen qarym-qatynasta bolǵan adamdarǵa qyzylshaǵa qarsy ekpe egilgen kórinedi.

Qyzylshadan qorǵaýdyń birden-bir tıimdi tásili – vaksınasııa. Búkil álemde ımmýnoprofılaktıka ınfeksııalarǵa qarsy kúreste eń tıimdi, únemdi jáne qoljetimdi qural retinde tanyǵan. Sol úshin de elimizde 19 juqpaly aýrýlarǵa qarsy vaksınasııa júrgizilýde. Balalardy vaksınasııalaý úshin Dúnıejúzilik densaýlyq saqtaý uıymy usynǵan vaksınalar satyp alynady.

Mamandardyń aıtýynsha profılaktıkalyq egýden bas tartqan adam óziniń ınfeksııadan jáne onyń saldarynan qorǵaný quqyǵynan aıyrylady eken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir