• USD 389.52
  • EUR 429.21
  • RUB 6.07
  • CNY 54.94
15 Qazan, 10:23:12
Ermekbaev: Jumys qaýipti, ómirleri úshin qaýip-qater bar

21 Qyrkúıek, 2019 Aımaqtar

Jambylda "Jas sarbazdyń" jumysy jandanady

О́tken jyly elimizde Qazaqstan Respýblıkasynyń Tuńǵysh Prezıdenti Nursultan Nazarbaevtyń bastamasymen «Jas sarbaz» áskerı-patrıottyq jastar qozǵalysynyń qurylǵany belgili. Bul uıymnyń óskeleń urpaqty patrıottyq rýhta tártıeleýge tıgizer yqpaly mol bolmaq. Sondyqtan da onyń jumysyn jandandyrýǵa jan-jaqty kóńil bólinýde. Osy oraıda alǵashqylardyń biri bolyp Jambyl oblysynda «Jas sarbaz» balalar men jasóspirimder áskerı-patrıottyq qozǵalysy» respýblıkalyq qoǵamdyq birlestiginiń fılıaly ashylyp, iske kirisip ketti. Á-degennen oblys ákimi Asqar Myrzahmetov Qazaqstan Respýblıkasynyń Qorǵanys mınıstri Nurlan Ermekbaev pen jáne «Jas sarbaz» balalar men jasóspirimder áskerı-patrıottyq qozǵalysy» respýblıkalyq qoǵamdyq birlestiginiń tóraǵasy Meıirbek Meńdiǵalıev arnaıy kezdesip, úshjaqty memorandýmǵa qol qoıdy.

Qazirgi tańda óńirdegi barlyq mektepte jastarǵa patrıottyq tárbıe berý maqsatynda klýbtar qurylǵan. Al oblys boıynsha qozǵalystyń 13 500 múshesi bar. «Jas sarbaz» áskerı-patrıottyq jastar qozǵalysynyń oblystyq fılıalynyń tóraǵasy Dýlat Abdýsamıttyń aıtýynsha, múddeli mekemelermen birlese otyryp, kóptegen sharalar atqarý josparlanyp otyr eken.

– Jalpy, «Jas sarbaz» qozǵalysynyń basty maqsaty-barlyq óńirlerimizdegi jas qazaqstandyqtarǵa óz áleýetterin júzege asyrýyna járdemdesý, olarǵa órshil batyrlarymyz úlgisinde patrıottyq tárbıe berý, boılaryna Otanǵa degen súıispenshilikti egý, rýhanı kemeldikke alǵashqy qadamyn jasaýyna septesý bolyp tabylady. Oblystyq fılıal búgingi tańda jkútelgen jaýapkershilik júgin múmkindiginiń jetkeninshe kótere bilip, senimge selkeý túsirmeýge tyrysyp baǵýda. Jastarǵa patrıottyq tárbıe berý maqsatynda obtystyq deńgeıde, aýdandarda túrli sharalar ótkizilip, jobalar júzege asyrylýda. Odan bólek jastarymyz respýblıkalyq alamandarǵa qatysyp, úzdikter qatarynan kórinip júr,–deıdi Dýlat Erjanuly.

Jańa uıymnyń jumysyn jandandyrýǵa Taraz qalalyq jastar resýrstyq ortalyǵynyń ujymy da qoldaý kórsetýde.

–Dýlat Erjanuly oblystyq fılıaldyń jumysyn jandandyrý maqsatyndaǵy aldaǵy josparlaryn aıtqanda qýana-qýana qoldaıtynymyzdy aıtqanmyn. Búgingi tańda bir maqsatta birlesip jumys isteýdemiz. Ásirese oblystyq polısııa departamentiniń bastyǵy Arman Moldııarulymen tyǵyz qarym-qatynasta jumys jasaýdamyz. Oblystyń bas polıseıi jastarǵa áskerı-patrıottyq tárbıe berýdiń mańyzdylyǵyn tereń sezinip, kez kelgen jaǵdaıda qoldaý bildirýge daıyn ekendikterin bildirýde. Aldaǵy ýaqytta polısııa departamentimen birlesip «Jas sarbaz» qozǵalysynyń aıasynda «Jas ınspektor» jobasyn qolǵa alǵaly otyrmyz,–deıdi Taraz qalalyq jastar resýrstyq ortalyǵynyń dırektory Nurlan Qanatov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir