Jambylda jyl sońyna deıin 2175 adam pátermen qamtylady

Memleket basshysynyń Joldaýyndaǵy basym baǵyttardyń biri – «Qýatty óńirler – Qýatty el» jobasy. Bul baǵytta eń birinshi jergilikti bılik organdary jumysynyń tıimdiligin arttyrý mindeti tur. Osy oraıda Jambyl oblysynda bıýdjetten qarjylandyrylatyn jergilikti atqarýshy organdardyń shtattyq birlikterin ońtaılandyrýdyń jobasy ázirlendi dep jazady Qamshy.kz aqparat agenttigi.  Taraz qalasy jáne aýdan ákimdikterine bekitilgen 2173 shtattyq birlikti ońtaılandyrý nátıjesinde 742 shtattyq birlikti laýazymynan tómendetý josparlanýda. Bul jalpy tómendetilýge jatatyn 1773 shtattyq birliktiń 41,8%-y.

Laýazymy tómendetiletinder ishinde 175 shtattyq birlik basshy qyzmetindegiler, 567 shtattyq birlik oryndaýshy qyzmetindegi laýazymdar.

Memlekettik organdardyń joba boıynsha bekitiletin jańa shtattyq qurylymdaryna sáıkes, basshylyq quram jalpy 18,2%-ǵa azaıady (128 sht.birlik) dep kútilýde.

Joba boıynsha oblys ákimdiginiń basqarmalaryn 17-ge deıin azaıtý kózdelýde (15 basqarma ózara biriktirilip, 7 basqarma bolyp qaıta qurylady, 10 basqarma ózgerissiz qalady). Nátıjesinde, jalaqy tólemin arttyrýǵa qol jetkizýge bolady. Sonymen birge, turǵyndar tarapynan jergilkti bılik jumysynyń tıimdiligin baǵalaý júıesin engizý usynylýda. Bul halyq pen bıliktiń arasyn jaqyndatyp, jumysty nátıjege baǵyttaýǵa múmkindik beredi.

Bıýdjetaralyq qatynastar júıesin reformalaýdyń da mańyzy zor.

Bul baǵytta Úkimet qaýlysyna sáıkes jumys júrgiziletin bolady. Basqarylatyn ýrbanızasııa jáne biryńǵaı turǵyn úı saıasaty. Oblysta turǵyn úımen qamtamasyz etý boıynsha jumystar jolǵa qoıylǵan.

«Nurly jer» baǵdarlamasy aıasynda turǵyn úıler men ınjenerlik ınfraqurylymmen qamtamasyz etý nysandaryna 17,6 mlrd. teńge qaraldy. Osy qarjy esebinen 2019 jyly 30 kóppáterli turǵyn úıdiń qurylysy júrgizilip (28 úı - 2019 jyly tapsyrylýy tıis, 2 arendalyq úı – 2020 jylǵa ótpeli Taraz-1, Qordaı-1), 24 ınjenerlik ınfraqurylym jobalary iske asyrylýda (onyń ishinde kópqabatty úılerdiń ınfraqurylymy Taraz qalasy 9 úı 328 mln.tg. 22 nysan- 2019 jyly tapsyrylýy tıis, 2 nysan -

2020 jylǵa ótpeli). Jalpy, jyl sońyna deıin 2175 adamdy pátermen qamtý kózdelip otyr.

Onyń ishinde, kredıttik 1 460 páterli 21 úı (111 175 shm), arendalyq 528 páterli 7 úı (26 700 shm), 187 páter kezektegi kópbalaly otbasylaryna satyp alý.

Sonymen qatar, 1 704 ga turǵyn úı alqaby (8 272 ýchaske) ınjenerlik-kommýnıkasııalyq ınfraqurylymmen qamtylmaq.

2020 jylǵa 30 kóppáterli turǵyn úıdiń qurylysyn júrgizýge barlyǵy respýblıkalyq bıýdjetten 11,1 mlrd.teńgege bıýdjettik ótinim usynyldy. Onyń ishinde 17 arendalyq úıdiń qurylysyna 4,9 mlrd.teńge jáne 13 kredıttik úılerdiń qurylysyna 6,2 mlrd.teńge qajettilik aıqyndaldy.