21 Qyrkúıek, 2019 Taǵaıyndaý
Memleket basshysynyń ókimderimen áskerı-áýe kúshteriniń qolbasshysy, "Shyǵys" óńirlik qolbasshylyǵy áskerleriniń qolbasshysy, ShYU qyzmetiniń máseleleri jónindegi ulttyq úılestirýshi taǵaıyndaldy dep habarlaıdy Qamshy.kz aqparat agenttigi Aqordanyń saıtyna silteme jasap.
Qazaqstan prezıdenti Qasym-Jomart Toqaev birqatar aýys-túıis júrgizdi. Memleket basshysynyń ókimderi Aqorda saıtynda jarııalanǵan.
Atap aıtqanda prezıdenttiń ókimimen Dáýren Jumataıuly Qosanov Qazaqstan Respýblıkasy Qarýly kúshteri áýe qorǵanysy kúshteri áskerı-áýe kúshteriniń qolbasshysy qyzmetinen bosatyldy. Onyń ornyna áskerı-áýe kúshteriniń qolbasshysy bolyp Nurbolat Erkebaıuly Topaev taǵaıyndaldy.
"Nurlan Musaqanuly Qashaǵanov "Shyǵys" óńirlik qolbasshylyǵy áskerleriniń qolbasshysy qyzmetinen bosatyldy", - delingen ókimderdiń birinde. Qashaǵanovtyń ornyna Asan Qýanyshuly Júsipov "Shyǵys" óńirlik qolbasshylyǵy áskerleriniń qolbasshysy laýazymyn ıelengen.
Sondaı-aq memleket basshysynyń ókimimen Qazaqstan Respýblıkasy syrtqy ister mınıstrliginiń erekshe tapsyrmalar jónindegi elshisi Erlik Shákiruly Álı Qazaqstan Respýblıkasynan Shanhaı yntymaqtastyǵy uıymy qyzmetiniń máseleleri jónindegi ulttyq úılestirýshi qyzmetine taǵaıyndaldy.
Aıta ketsek, buǵan deıin Toqaev mańyzdy saıası aýys-túıis júrgizip, memlekettik hatshy, premer-mınıstrdiń orynbasary, syrtqy ister mınıstri men ındýstrııa jáne ınfraqurylymdyq damý mınıstrliginiń basshysyn taǵaıyndaǵan bolatyn.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir