• USD 389.52
  • EUR 429.21
  • RUB 6.07
  • CNY 54.94
18 Qazan, 13:26:18
Sarapshylar joldaýdyń júzege asyrylýyn talqylady

21 Qyrkúıek, 2019 Aımaqtar

Eldikti nyǵaıtýdyń erekshe úlgisi

Qazaq halqy birliktiń orny men mańyzyn joǵary baǵalap, «Birlik bolmaı tirlik bolmas», «Birlik túbi – bereke», «Baqyt – birlikte, baılyq – eńbekte» dep túıgen.

Sondyqtan da, el tizginin qolyna ustaǵan ardaqty adamdar – handar, bıler, aýzy dýaly aqsaqaldar el ishindegi asqynǵan daý, ýshyqqan janjaldyń jolyna tosqaýyl qoıarda el birligine syna túspeý jaǵyna basa nazar aýdarǵan.

Qoǵamdyq kelisim men saıası turaqtylyq, etnosaralyq jáne konfessııaaralyq beıbitshilik, birlik pen yntymaq, ulttyq qundylyqtardy jańǵyrtý  maqsatynda, óńir tarıhynyń asa mańyzdy kezeńi – Jambyl oblysynyń qurylǵanyna 80 jyl tolýy qarsańynda «Rýhanı jańǵyrý» baǵdarlamasy aıasynda Taraz qalasynda «Eldik elge baılanysty» qoǵamdyq forýmy ótýde.

Forým barysynda qoǵamdaǵy túıitkildi máseleler, ulttyq dástúr men ádet-ǵuryptyń ýaqyt aǵymymen ózgerýi, ysyrapshyldyq pen dańǵazalyqqa jol bermeý, jastar tárbıesiniń ózektiligi týraly oblysymyzdyń aqsaqaldary men el aǵalary, bilimdi ári parasatty azamattary óz oılaryn ortaǵa salýda.

Halyqtyń ulttyq bolmysy men biregeıligine keri áser etetin  jeń ushynan jalǵasqan jemqorlyq, qyzmettegi jershildik pen tamyr-tanystyq, aǵaıyn arasyndaǵy rýshyldyq, toı toılaýdaǵy ysyrapshyldyq pen astamshyldyq, jastar ortasyndaǵy dańǵoılyq pen kerdeńdik, el ishindegi orynsyz saltanat, qanaǵatsyzdyq pen únemsizdik sııaqty jaman qasıetterden arylý búgingi kúnniń bas talabyna aınalyp otyr.

Mine, osy máseleler toǵysynda oblys turǵyndaryn birlik pen yntymaqqa, sabyrlyq pen  qanaǵatshylyqqa, berekeli ómir súrýge  shaqyratyn Úndeý joldanady.

Sharany oblystyq máslıhat depýtaty M.Berik júrgizip, Jambyl oblystyq aýmaqtyq kásipodaqtar birlestiginiń tóraǵasy M.Tólepbergen, eńbek ardageri, Jýaly aýdanynyń Qurmetti azamaty Á.Ergebekov, oblystyq máslıhattyń depýtaty A.Maılybaev, M.H.Dýlatı atyndaǵy TarMÝ-dyń aǵa oqytýshysy B.Myrzabaeva, ardager-ustaz K.Ahmetjanova, «Asyl arman» qoǵamdyq birlestiginiń tóraǵasy R.Nuraqbaev, «Hıbatýlla Tarazı» meshitiniń naıb-ımamy B.Ámreev, medısına ǵylymdarynyń doktory S.Ordabekov  baıandama oqıdy.

Forýmǵa oblys boıynsha ardagerler, zııaly qaýym ókilderi, bıler keńesiniń músheleri, ulttyq mádenı ortalyqtardyń, úkimettik emes uıymdardyń jetekshileri, oqytýshylar men jastar, BAQ ókilderi qatysýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir