• USD 389.52
  • EUR 429.21
  • RUB 6.07
  • CNY 54.94
16 Qazan, 02:10:56
Saılaý qarsańynda "joǵalyp ketken" akter Shrı-Lankadan sálem joldady (vıdeo)

21 Qyrkúıek, 2019 Aımaqtar

Segiz aıdyń ishinde Jambyl oblysynda qylmys sany 12 paıyzǵa azaıdy

Aptanyń sońǵy jumys kúnderi jambyldyq polıseıler úshin erekshe is-sharalarǵa toly boldy. 19 qyrkúıekte birden bes front-keńse ashylsa, búgin Jambyl oblysy Polısııa departamentiniń bastyǵy Arman Orazalıev bıyldyqqa ekinshi ret halyqqa esep berý kezdesýin ótkizdi, al keshke qaraı Oblys ákiminiń birinshi orynbasary Bekbolat Orynbekovpen birge patrýldik polısııa qyzmetkerlerine jańa avtokólikterdiń kiltin tabys etti.

Oblys turǵyndarymen kezdesý Y.Dúkenuly atyndaǵy qalalyq Mádenıet úıiniń májilis zalynda ótti, kezdesýge kelgen halyqtyń kópshiligi   zalǵa syımady. О́ziniń kirispe sózinde Arman Orazalıev quqyq qorǵaý organdary ashyqtyq pen jarııalylyq qaǵıdattaryn engizý, azamattardyń ótinishterine jedel den qoıý, halyqpen tyǵyz baılanys ornatý boıynsha maqsatqa baǵyttalǵan jumystar atqarylyp jatqanyn  atap ótti.

"Aıta keterligi, kezdesýde túrli aspektiler boıynsha tolyq túsinikteme berýge daıyn Polısııa departamentiniń ártúrli qyzmetteri men basqarmalarynyń barlyq basshylary otyr. Sondyqtan keıbir kóterilgen máselelerdi biz birden sheshe alamyz dep oılaımyn", - dedi Departament bastyǵy.

Turǵyndarmen ashyq dıalogqa kirispes buryn Arman Moldııaruly oblys ishki ister organdarynyń aǵymdaǵy jyldyń segiz aıyndaǵy qyzmetiniń qorytyndylary men aldaǵy kezeńge arnalǵan josparlary týraly qysqasha aıtyp ótti.

Basty  kórsetkishter - jalpy qylmystardyń 12% - ǵa (6464-ten 5680-ge deıin) tómendeýine qol jetkizildi, kisi óltirý, tonaý, qaraqshylyq shabýyl, alaıaqtyq, buzaqylyq, urlyq, sonyń ishinde mal urlyǵy jáne uıaly telefon men páter urlyǵynyń sany azaıdy.

Oblys ortalyǵynda jaıaý patrýlder sany artyp, beınebaqylaý júıesi keńeıtilýde, qolaısyz aýdandarda turaqty  jumystar júrgizilýde. Aldyn alý sharalarynyń nátıjesinde qoǵamdyq oryndarda jáne kóshelerde jasalatyn qylmystar sany aıtarlyqtaı qysqardy.PD bastyǵy zańnamaǵa engizilgen ózgeristerdiń nátıjesinde endi urylardy birneshe ret jasalǵan quqyq buzýshylyqtar qaǵıdaty boıynsha qylmystyq jaýapkershilikke tartýǵa bolatynyn atap ótti.  Sondaı-aq, Tarazdyń ortalyq zıratyndaǵy vandalızm  máselesin de aınalyp ótpedi.

"Barlyq ótinishter boıynsha qylmystyq ister qozǵalyp, «birneshe  ret» jasalyný belgisin qoldana otyryp, ustalǵan tulǵalardy jaýapkershilikke tartý boıynsha sharalar qoldanamyz. Aldaǵy ýaqytta osyndaı derekterdi boldyrmaý úshin zırat aýmaǵyn patrýldeý baǵyty, sondaı-aq metall qabyldaý beketterin tekserý jumystary qarastyrylǵan", - dep tolyqtyrdy óz sózin A. Orazalıev.

Esirtki qylmysyna qarsy kúreske keletin bolsaq, zańsyz aınalymnan eki tonnadan astam túrli esirtki, alty keliden astam geroın jáne 115 keliden  astam gashısh esirtki zattary tárkilendi. Sondaı-aq, sıntetıkalyq esirtkiniń taralýyna baılanysty jarnama jasaǵan 19 saıt anyqtaldy.Baıandamany qorytyndylaı kele, Polısııa departamentiniń bastyǵy Arman Orazalıev «Joldaǵy qabyldaý», «Aýladaǵy qabyldaý» aksııalary sheńberinde azamattarmen kezdesýler, sondaı-aq mekemeler men kásiporyndardyń ujymdarymen kezdesýler, sonymen qatar front-keńselerde jeke qabyldaýlar jalǵasatynyn atap ótti.

Is-shara «suraq-jaýap» formatyna ótken soń, birneshe qala turǵyndary ózderiniń ýchaskelik ınspektorlaryna alǵystaryn bildirip, polısııa qyzmetkerlerine moraldyq qoldaý kórsetti. Naqty máseleler boıynsha aıtar bolsaq, Seıdahmetov Bekbolat esimdi aqsaqal A.Asqarov kóshesi boıynda  ornalasqan  ortalyq bazarǵa jaqyn jolǵa baǵdarsham ornatýdy surady. «Shalǵaı Qarasý» aýdanynyń turǵyny Áıgerim Jalabaı balalar alańqaılarynyń  mańynda jıi  kezdestirýge bolatyn qańǵybas ıtterge qatysty shara qoldanýdy surady.

Osy jáne basqa da máselelerdi PD bastyǵy jeke baqylaýǵa aldy, keıbir máseleler osy jerde sheshildi.   Keshke jaqyn Taraz qalasynyń ortalyq alańynda Arman Orazalıev oblys ákiminiń birinshi orynbasary Bekbolat Orynbekovpen birge patrýldik polısııa qyzmetkerlerine jańa avtokólikterdiń kiltin tabys etti.  Quqyq buzýshylardy izdeý jáne quryqtaý  boıynsha zamanaýı jabdyqtarmen jabdyqtalǵan joǵary ótimdi 102 avtokólik óz ıelerine tabys etildi.

Aǵymdaǵy jyldyń shilde aıynda 131 avtokólik ýchaskelik ınspektorlarǵa berilgen bolatyn, al 2020 jyly árbir ÝPI kólikpen qamtamasyz etý josparda qarastyrylǵan. Bul eń aldymen oblystyń shalǵaı aýyldaryndaǵy krımınogendik jaǵdaıdy jaqsartýǵa múmkindik beredi.

Arman Orazalıev quqyq qorǵaý organdaryna aıtarlyqtaı qoldaý kórsetkeni úshin oblys ákimdigine alǵys bildirip, patrýldik polısııa qyzmetkerlerine  óz áriptesteri A. Esenov pen Q. Ábsattarovtan úlgi alý qajettiligin aıtty, olar osy jyldyń segiz aıynda 1,5 myńnan astam ákimshilik quqyq buzýshylyq deregin  anyqtaǵan.Kez kelgen, tipti qoǵamdyq tártip pen tazalyqtyń eń usaq buzýshylyq derekterine  qatysty  jaza qarastyrylýy kerek, sebebi tek osylaı, nóldik tózimdilik ádisimen biz óz ómirimizdi jaqsarta alamyz.


Jambyl oblysy Polısııa departamentiniń Baspasóz qyzmeti

Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir