Qulahmet fılıdik boksshydan nokdaýn alyp, álem chempıonatynyń qola júldegeri atandy (vıdeo)

Qazaqstan boksshysy Tursynbaı Qulahmet (Qyzylorda oblysy) bokstan Ekaterınbýrgte (Reseı) ótip jatqan álem chempıonatynyń jartylaı fınalynda Eýmır Marsıalǵa (Fılıpın) ese jiberip, álem chempıonatynyń qola júldegeri atandy dep jazady Qamshy.kz aqparat agenttigi. 

75 kılogramda judaryqtasqan  Qulahmetke jekpe-jek barsynda  bir ret nokdaýn aldy, bes tóreshi de jeńisti fılıpındik boksshyǵa berdi. 

Endi Qulahmetti utqan Eýmır Marsıal fınalda Gleb Bakshımen (Reseı) judyryqtasady. Bakshı búgin jartylaı fınalda Ebert Da Konseısaýdy (Brazılııa) utty. Al shırek fınalda reseılik boksshy osy salmaqtaǵy Rıo Olımpıadasynyń chempıony kýbalyq Arlen Lopesti jeńgen bolatyn. 

26 jastaǵy Tursynbaı Qulahmet - Qazaqstan chempıontanyń kúmis jáne qola júldegeri. Ol bıylǵy jyly Bangonkte (Taıland) ótken Azııa chempıonatynda altyn alǵan. 

Ekaterınbýrgte ótip jatqan álem chempıonatynyń jartylaı fınalyna Qazaqstannyń alty boksshysy shyqqan. 52 kılogramda synǵa túsken Sáken Bıbosynov ta (Túrkistan oblysy) jartylaı fınalda Pangal Amıtke (Úndistan) ese jiberip, álem chempıonatynyń qola júldegeri atandy.

Endi búgin jartylaı fınaldyq jekpe-jekterin ótkizýge Qazaqstannyń taǵy tórt boksshysy shyǵady.