Bas prokýratýra 21 qyrkúıekte mıtıngige shyǵatyndarǵa úndeý jasady

Qazaqstannyń bas prokýrorynyń birinshi orynbasary Berik Asylov qazaqstandyqtarǵa úndeý jasady.

Úndeý QR Bas Prokýratýrasynyń saıtynda jarııalanǵan.

Qazaqstan Respýblıkasy Bas Prokýrorynyń birinshi orynbasary B.N. Asylov úndeýinde: "Áleýmettik jelilerde tyıym salynǵan jáne sotpen ekstremısttik dep tanylǵan «Qazaqstannyń demokratııalyq tańdaýy» uıymmen 2019 jylǵy 21 qyrkúıekte zańsyz narazylyq aksııalaryn ótkizýge jáne oǵan qatysýǵa shaqyrý taratylýda.

Destrýktıvti kúshter áleýmettik qoldaý sharalary, memleketaralyq qatynastar týraly jalǵan aqparat tarata otyryp, halyqty adastyryp tártipsizdikterdi, áleýmettik jáne ulttyq arazdyqty týdyrý arqyly qoǵamdyq qaýipsizdikke qaýip tóndiredi.
Mundaı áreketterge zańmen tyıym salynǵan, sondyqtan quqyq qorǵaý organdary zań buzýshylarǵa zańmen belgilengen tártipte den qoıyp, qatań sharalar qoldanatyn bolady.", - dep aıtty.