• USD 468.56

  • EUR 497.56

  • RUB 7.3

  • CNY 67.18

29 Naýryz, 02:07:37
+35°

20 Qyrkúıek, 2019 Aıtty-eı, baýyryń!

Asa qadirli túk túsinbeıtinder!

"REPATRIANT" degen termın bar. Maǵynasy - "tarıhı otanyna oralýshy" degen. Tarıhı otanyna qaıtyp oralǵan grekterdi, nemisterdi, orystardy, evreılerdi sol elder qalaı ataıdy, osy halyqaralyq termındi qalaı qoldanady - men bilmeımin. Al qazaqtar 1997 jylǵy "Kóshi-qon týraly zańda" osy termındi (REPATRIANT) "oralman" dep qazaqshalady. Qazaqstanǵa (tarıhı otanyna) oralǵan qazaq QR azamaty atanyp, tólqujatyn alǵansha ǵana "oralman" (repatrıant) bolady. Qalaı QR azamaty bolyp, qolyna kók tólqujat tıedi - birden "oralman" statýsynan aırylyp, kádimgi qazaqstandyq qazaqtyń birine aınalyp shyǵa keledi. Ras, sonaý 1958 jyly-aq elge kelgen Qabdesh Jumadilovtiń ózin áli kúnge "qytaı" deýden tyıylmaıtyndar osydan bir jyl (bes jyl, on jyl, jıyrma jyl) buryn kelip, áldeqashan QR azamaty bolǵandardy áli de "oralman" deı berýi múmkin (kimniń aýzyna qaqpaq bola alamyz?). Biraq "oralman" (repatrıant) mártebesiniń shynaıy máni osy ǵana, ıaǵnı ýaqytsha statýs. Tilimizge sińisti bop, kóz úırenip, qulaq qalyptasyp qalǵan sóz.


Al eger "ORALMAN" degen sóz unamasa, sol baıaǵy REPATRIANTty qaıtaryp alyńyzdar! О́ıtkeni "baýyrlas" ta, "qandas" ta "TARIHI OTANYNA ORALÝShY" degen mándegi termınniń júgin kótere almaıdy. Ýaqytsha statýs bola almaıdy. "Baýyrlas" - jalpylama uǵym: baýyrlas halyq ta kóp, baýyrlas qalalar da bar. "Qandas" ta sol - shetten kelgen qazaq qandas ta, osy QR-da týyp-óskender qandas emes pe sonda?) Onyń ústine "repatrıantty" "QANDAS" dep alsaq, tarıhı otanyna kóship kelýshi qazaq tek QR azamattyǵyn alǵansha ǵana "qandas" (repatrıant) bolady da, kók tólqujat qolyna tıe sala "qandas" bolmaı shyǵa ma?) Termın sóz degen mundaı bytyqy-shytyqy emes, aıqyn da anyq bolýy kerek.


Shetten kelgen aǵaıynnyń, jalpy kóshi-qon salasynyń sheshilmeı jatqan sharýasy shash etekten. Solarǵa basa mán berýdiń ornyna osyndaı "asa mańyzdy memlekettik máseleni" prezıdent aýzyna salyp júrgen kim eken? Osy eldegi eki basshynyń da qala atyn aýystyrý, sóz aýdarý, termın jasaýdan basqa jumystary joq pa?!

 

Sáken Sybanbaıdyń Facebook paraqshasynan alyndy

 
"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir