"Úkimet bizdi "bomj" qurly kórmedi..."

Qyrkúıektiń 20-syna qaraǵan túni baspana men járdemaqy máselesin sheshýdi talap etken 20-dan astam áıel Nur-Sultandaǵy ulttyq ekonomıka mınıstrliginiń aldynda túnep shyqty dep jazady Qamshy.kz aqparat agenttigi Azattyq Radıosynyń málimetine súıene otyryp.

Analar keshe Aqorda mańyna jınalyp, áleýmettik máseleleriniń sheshilýin talap etken edi. Analar alǵashqy jarnasyz tómen paıyzben baspana berý, "kóp bala, az bala" dep bólmeı, kámeletke tolmaǵan árbir balaǵa járdemaqy tóleý syndy talap qoıýda.

 - Myna úkimet bizdi "bomj" qurly kórmedi. Bir ret te kelip "ne úshin otyrsyńdar?", "qandaı muń-muqtajdaryń bar?" dep bir adam suraǵan joq. Senesizder me? Kóp balaly analardyń bári mınıstrlik aldynda qondyq, - dep nalydy jeti balanyń anasy Janar Baımuhametova  Azattyq tilshisine bergen suhbatynda.