• USD 389.52
  • EUR 429.21
  • RUB 6.07
  • CNY 54.94
23 Qazan, 09:32:36
Nazarbaev: "Nur Otan" halyqty mazalaıtyn máselelerge aralaspaıdy

20 Qyrkúıek, 2019 Sport

Dáýlet Nııazbekov álem chempıonatynyń fınalynda reseılik balýannan taza jeńildi

Kúres túrlerinen Nur-Sultanda ótip jatqan álem chempıonatynda Qazaqstan balýany Dáýlet Nııazbekov erkin kúresten kúmis medal alyp, 2020 jyly Tokıoda ótetin Olımpıadaǵa joldama jeńip aldy dep jazady Qamshy.kz aqparat agenttigi.

65 kılogramda synǵa túsken Nııazbekov fınalda reseılik balýan  Gadjımýrat Rashıdovqa bir mınýttyń ishinde 11:0 esebimen ese jiberdi.

Nııazbekov alǵashqy aınalymda Chan Iýı-Sıýandy (Qytaılyq Taıpeı) 10:0 esebimen, germanııalyq Aleksandr Semısorovty 12:8 esebimen, shırek fınalda mońǵolııalyq Temer-Ochırın Týlgany 6:2 esebimen jeńdi. Al jartylaı fınalda úndistandyq, byltyrǵy álem chempıonatynyń kúmis júldegeri Badjrang Pýnııadan (Úndistan) basym tústi. Bul beldesý 9:9 esebimen teń aıaqtaldy. Biraq kezdesý kezinde Nııazbekov tórt upaılyq ádis jasaǵany úshin jeńimpaz dep tanyldy. Al jartylaı fınalda Nııazbekov osy salmaqtaǵy álemdik reıtıng kóshbasshysy Badjrang Pýnııany (Úndistan) jeńgen.

30 jastaǵy Qyzylorda oblysynyń týmasy Dáýlet Nııazbekov 2013 jylǵy álem chempıonatynyń qola júldegeri. Ol úsh ret Azııa chempıony atanǵan jáne 2012 jyly London Olımpıadasyna qatysqan. 

Kúres túrlerinen Nur-Sultandaǵy álem chempıonaty 22 qyrkúıekte aıaqtalady. Nııazbekovtyń kúmisin bólek, Qazaqstan quramasyda bir kúmis, úsh qola medal bar. Kúmisti grek-rım kúresinen Qorlan Jaqansha ıelense, qolany Almat Kebispaev, Meırambek Aınaqulov (ekeýi de - grek-rım kúresi) jáne Valentına Islamova (áıelder kúresi) aldy. 

Búgin erkin kúreste Nurıslam Sanaev (57 kılogram) qola júldege talasady. Al erteń 70 kılogramda kúresetin Nurqoja Qaıpanov fınalda beldesedi.

Sońǵy ret Qazaqstan balýandarynyń arasynan Armenııadan kelgen lıgıoner Mhıtar Manýkıan 1999 jyly Afınada ótken álem chempıonatynda Grek-rım kúresinen altyn alǵan bolatyn. Qazaqstan sportshylarynyń arasynan sodan beri eshqandaı balýan álem chempıonatynyń altynyn alǵan joq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir