• USD 389.52
  • EUR 429.21
  • RUB 6.07
  • CNY 54.94
17 Qazan, 12:10:24
Prezıdenttik jastar kadr rezervine irikteýdiń kelesi kezeńine 904 qatysýshy ótti

18 Qyrkúıek, 2019 NEWS

«Kásip alańy» motıvasııalyq kýrstary bastaldy

Eki aptanyń ishinde kýrsqa shamamen 2300 adam qatysty. Jospar boıynsha atalǵan kýrs pen vebınarlar 80 000 almatylyqty qamtýdy kózdeıdi.

«Kásip alańy» atty bir kúndik motıvasııalyq semınarlar men vebınarlar barysynda tanymal kásipkerler, salalyq sarapshylar, jetekshi bıznes-trenerler durys bıznes quryp, naryqta óz ornyn tabý sııaqty jeke usynystarmen bólisedi. Sondaı-aq memlekettik qoldaýdyń qoldanystaǵy sharalary týraly áńgimeleıdi. «Atameken» QR UKP-nyń qatysýymen qala ákimdigi ázirlegen «Almaty business–2025» bıznesti damytý boıynsha óńirlik baǵdarlamasy aıasynda júzege asyrylatyn bul joba jumyssyz jáne ózin-ózi jumyspen qamtyǵan jastarǵa, isin jańa bastaǵan kásipkerler men kópbalaly analarǵa arnalǵan. Bir kúndik kýrstar men vebınarlardyń qorytyndysy boıynsha 80 myń adam qamtylý kerek. «Kásip alańy» motıvasııalyq semınarlary megapolıstiń barlyq segiz aýdanynda 11 qyrkúıek pen 18 qazan aralyǵynda joǵary oqý oryndary, jumys istep turǵan kásiporyndar, qalanyń ámbebap bazarlary jáne aýdandyq ákimdikter bazasynda ótedi. Qatysýshylardy tirkeý ákimdikterde, «Atameken» QR UKP, Halyqty jumyspen qamtý ortalyǵynda, sondaı-aq onlaın tártibi arqyly júrgiziledi. Aǵymdaǵy jyldyń 1 qazanynan bastap «Qoldaý.kz» saıtynan da vebınarlar berile bastaıdy.

Semınarlar men vebınarlardyń negizgi taqyryptary – Almaty qalasynyń basym salalary: týrızm, saýda, qurylys, kólik, qonaq úı bıznesi, óndiris, IT, qarjy, saqtandyrý jáne basqa salalar. Kýrstar men semınarlarda salalyq sarapshylar jańa bastaǵan kásipkerlerge bıznesti júrgizýdiń modelin qurý, bıznesti jyljytý men damytý boıynsha keńester beredi. Oqý júıesi menedjment, quqyqtyq qamtamasyz etý, býhgalterlik esep, marketıng jáne basqa da baǵyttardy qamtıdy.

Qala ákiminiń orynbasary Saparbek Tuıaqbaevtyń aıtýynsha, atalǵan semınarlar men vebınarlar kýrsqa qatysýshylardy memlekettik qoldaý sharalary týraly habardar etpek. Máselen, «Qoldaý» kásipkerlik ortalyǵy óz qyzmetterin tanystyrady. Ol kásipkerlikti damytýdaǵy ákimshilik kedergilerdi túbegeıli azaıtýǵa baǵyttalǵan. Osy maqsatta «Qoldaý» óz alańynda barlyq qajetti qyzmetterdi, ıaǵnı keńes berý, súıemeldeý, memlekettik jáne ózge de qyzmetterdi usyný boıynsha bıznespen ózara is-qımyl jasaý ádisterin jınaqtaǵan.

– О́tken aptada bastaý alǵan joba quramynda barlyq jastaǵy jumyssyz ári ózin-ózi jumyspen qamtyǵan jastar, isin jańa bastaǵan kásipkerler, kópbalaly analar bar barlyǵy 2300-den astam adamdy qamtydy. Qatysýshylar elimizdiń jetekshi kásipkerleri, sarapshylary men jetekshi bıznes-jattyqtyrýshylarynyń tájirıbesin, bilimin alyp, kásipkerlik negizderi kýrstarynan ótti. Jospar boıynsha bir kúndik semınarlar men vebınarlar qalanyń barlyq aýdandaryn qamtymaq. Bizdiń «Kásip alańy» baǵdarlamamyz kásibı daǵdylardy arttyrýǵa arnalǵan platforma ispettes. Jańa mamandyqty ıgerip, bilim alýǵa, sonyń ishinde shaǵyn jáne orta bıznesti memlekettik qoldaýdyń tetikteri men quraldary týraly bilimin jetildiretinine senimdimiz. Bıyl 80 myńǵa jýyq adam bir kúndik motıvasııalyq kýrstar men vebınarlarǵa qatysady.

– Kýrs qorytyndysy boıynsha 10 myńǵa jýyq adam isin jańa bastaǵan kásipkerlerge arnalǵan arnaıy kýrstarǵa, 2 myńnan astam adam jańa mamandyqtar alý úshin qysqa merzimdi kýrstarǵa jiberiledi, – dep atap ótti S.Tuıaqbaev.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir