Latyn álipbıine kóshý máseleleri semınar-keńeste sóz boldy

18 qyrkúıek kúni Qazaq ulttyq qyzdar pedagogıkalyq ýnıversıtetinde Almaty qalasy ákimi apparatynyń Tilderdi damytý jáne latyn grafıkasyna kóshý ortalyǵy Qazaq tili álipbıin latyn grafıkasyna 2025 jylǵa deıin kezeń-kezeńimen kóshirý jónindegi is-sharalar josparyna sáıkes "Jańa latyn álipbıin engizýdiń ǵylymı jáne uıymdastyrýshylyq máseleleri" taqyrybynda semınar-keńes ótkizdi.

Semınar-keńeste Sh.Shaıahmetov atyndaǵy «Til-qazyna» ulttyq ǵylymı-praktıkalyq ortalyǵynyń keńesshisi, «Úsh baılyq» QB-niń bas dırektory, qoǵam qaıratkeri – Asanǵazy Orazkúl "Qazaq tiliniń latyn grafıkasyna kóshýiniń ómirsheńdigi" taqyrybynda baıandama jasady.

Sonymen qatar, Nur-Múbarak ýnıversıtetiniń dosenti, PhD doktory – Qydyrbaev Qaldybaı "Bekitilgen álipbıdi jetildirýge qatysty usynystar", Latyn álipbıi jobasyn usynýshy, matematık ustaz – Vanov Qýantqan "Emlemizdegi keıbir túıtkildi máseleler", Abaı atyndaǵy Qazaq ulttyq pedagogıkalyq ýnıversıtettiń professory, fılologııa ǵylymdarynyń doktory – Qalybaı Qalamqas "Kirme sózderdi ıgerýdiń tildik mehanızmin qalaı joǵalttyq...", Qazaq ulttyq qyzdar pedogogıkalyq ýnıversıtetiniń professor, fılologııa ǵylymdarynyń doktory – Ermekova Tynyshtyq "Latyn qarpin oqytýdyń ǵylymı-ádistemelik negizderi" atty taqyryptarǵa qatysty ǵylymı jumystarmen tanystyrdy.

Semınar-keńestiń sońynda qatysýshylarǵa memlekettik til saıasatyna, tilderdi oqytýǵa baılanysty materıaldar taratylady jáne belgilengen úlgidegi sertıfıkat beriledi.​