Qazaqstanda NASA Ortalyq Azııa aımaqtyq aqparattyq ortalyǵyn ashý josparlanýda

Qazaqstanda NASA Ortalyq Azııa aımaqtyq aqparattyq ortalyǵyn ashý josparlanýda dep jazdy Qamshy.kz aqparat agenttigi QR sıfrlyq damý, ınnovasııalar jáne aeroǵarysh ónerkásibi mınıstrliginiń  málimetin negizge ala otyryp.

Bul týraly búgin Nur-sultan qalasynda ótip jatqan «Ortalyq Azııa men Kavkazdaǵy jer ózgeristerin qadaǵalaý jáne sý-energetıkalyq jáne azyq-túlik qaýipsizdigi men turaqty damý» atty birinshi halyqaralyq konferensııada belgili boldy.

«Qazaqstan qurǵan ǵarysh toby memlekettik jáne jergilikti atqarýshy organdar úshin mamandandyrylǵan geoqyzmetterde ekonomıka salalarynda ǵarysh monıtorıngin derbes júrgizýge múmkindik berdi. О́z kezeginde ǵarysh monıtorıngi aýyl sharýashylyǵy, tótenshe jaǵdaılar, ekologııa jáne tabıǵatty paıdalaný, jerdi paıdalaný, geodezııa, kartografııa, qorǵanys, ulttyq qaýipsizdik jáne basqa da máselelerdi sheshý úshin JQZ derekterine derbes jáne jedel qol jetkizýge múmkindik beredi», – dep atap ótti Qazaqstan Respýblıkasynyń sıfrlyq damý, ınnovasııalar jáne aeroǵarysh ónerkásibi vıse-mınıstri Marat Nurǵojın óz sózinde.

Konferensııaǵa  QR sıfrlyq damý, ınnovasııalar jáne aeroǵarysh ónerkásibi mınıstrliginiń, NASA shtab-páteriniń, Merılend shtaty ýnıversıtetiniń, Mıchıgan shtaty ýnıversıtetiniń, Ellady zertteý jáne tehnologııa ortalyǵynyń (Gresııa) jáne «Qazaqstan Ǵarysh Sapary» Ulttyq kompanııasynyń» ókilderi qatysýda.

NASA - Aeronavtıka jáne ǵarysh keńistigin zertteý jónindegi ulttyq basqarma. Negizgi negizgi maqsaty adamnyń ǵaryshta kóp merzim bolý múmkindigin týdyrý.