Tórt jylda turǵyndar júz paıyz taza sý tutynady

Búginde memlekettik turǵyn úı saıasatynda ınfraqurylymdy damytýdyń mańyzdylyńy erek. Jáne qaı salada bolmasyn búginde jelilik jeliler júrgizilmeı qurylys bastaý qıynnyń-qıyny. Buny Memleket basshysy Qasym-Jomart Toqaev ta halyqqa arnaǵan Joldaýynda basa aıtty. Osy oraıda Jambyl oblysynda 377 eldi mekenniń 48 paıyzy nemese 181-i gazdandyrylsa, 2027 jylǵa deıin 196 eldi mekendi gazdandyrý josparlanýda dep jazady Qamshy.kz aqparat agenttigi.  Eldi mekenderdiń 53,3% nemese 199 aýyl ortalyqtandyrylǵan aýyz sýmen, 174 aýyl ortalyqtandyrylmaǵan sýmen qamtylǵan. 2023 jyly oblys turǵyndaryn 100% taza aýyz sýmen qamtý josparlanyp otyr.

«Nurly jol» baǵdarlamasy aıasynda 2019 jyly 46 joba iske asyrylýda. Bul maqsatqa 9,8 mlrd.teńge bólingen (RB- 7,2 mlrd.teńge, OB- 2,6 mlrd.teńge).

Bólingen qarajat boıynsha 16 shaqyrym jańa jol salý, 6,2 shaqyrym qaıta jańǵyrtý, 30 shaqyrym kúrdeli jóndeýmen qatar 340,5 shaqyrym joldar orta jóndeýden ótýde.

Nátıjesinde jyl qorytyndysymen jaqsy jáne qanaǵattanarlyq jaǵdaıdaǵy jergilikti mańyzy bar avtomobıl joldarynyń úlesin 85%-ǵa jetkizý mejelengen.

2025 jyly jaqsy jáne qanaǵattanarlyq jaǵdaıdaǵy oblystyq jáne aýdandyq mańyzy bar avtomobıl joldarynyń úlesi 97,5%-ǵa jetkizilmek.

Memleket basshysynyń Joldaýy elimizdiń jańasha damýyna jol ashyp, árbir azamattyń ómir sapasyn arttyratyny anyq. Joldaýdyń talaptaryn oryndaý – barshamyzdyń mindetimiz. Bizdiń ortaq jetistigimiz - ár azamattyń kúsh-jigerine, joǵary azamattyq boryshy men jaýapkershiligine baılanysty. Maqsatymyz aıqyn, mejemiz belgili.

Ásirese ınfraqurylym tartý jumystaryna belsene kúsh salǵanymyz abzas. Joǵaryda aıtqanymyzdaı 2023 jylǵa taza aýyzsýmen qamtylady dep kózdelýde. Sondaı-aq 2025 jyldary respýblıkalyq jáne oblystyq mándegi joldar 97,5 paıyzǵa jańartylmaq. Odan bólek 2027 jyly 196 eldi mekne kógildir otynǵa qosylady. Bul degenińiz birer jyldyń bederinde gaz qubyry Moıynqum syndy shalǵaı aýyldarǵa da jetedi degen sóz. Sondyqtan memleket tarapynan jasalyp jatqan mundaı qamqorlyqqa dán rızalyq bildirgen jón. Sebebi egemendi elimizdiń, Prezıdentimiz Qasym-Jomart

Toqaevtyń eń basty ustanymy turǵyndardyń sapaly ǵumyr keshýi men turmysynyń túzelýi.