• USD 468.56

  • EUR 497.56

  • RUB 7.3

  • CNY 67.18

29 Naýryz, 10:59:02
Almaty
+35°

Búginde Jambyl oblysynyń aýmaǵynda 524 mádenıet, arhıv mekemeleri halyqqa qyzmet kórsetýde. Onyń 26-sy oblys ákimdigi mádenıet, arhıvter jáne qujattama basqarmasyna qarasty bolsa, qalǵan 498-i Taraz qalasy men aýdan ákimdikterine baǵynysty. Bul qatarǵa bıyl Jeńis kúnine oraı ashylǵan «Dańq» zalynyń qosylǵandyǵyn aıta ketý kerek. Sonymen qatar bul tizim jýyrda taǵy da tolyǵa túspek. О́ıtkeni, Jambyl oblysynyń 80 jyldyq mereıtoıyn merekeleý aıasynda birqatar jańa nysandar ıl ıgiligine usynylmaq. Olardyń ishinde mádenı keshender de barshylyq. Bul týraly oblys ákimdigi mádenıet, arhıvter jáne qujattama basqarmasynyń basshysy Dúısenáli Byqybaev tarqata aıtyp berdi.

–Kóne qalanyń tarıhı keskinin qaıta jańǵyrtyp, týrısterdiń nazaryn aýdarý maqsatynda shyǵystyq úlgidegi «Shahrıstan» etno-tarıhı kesheniniń qurylysy qarqyndy júrgizilýde. Onda «Rýhanııat jáne tarıhtaný» ortalyǵy, tarıhı-ólketaný mýzeıi, kórme ortalyǵy, kórkemsýret galereıasy, amfıteatr, jergilikti qolónershilerdiń sheberhanasy syndy nysandar ornalasatyn bolady. Sondaı-aq «Tekturmas» tarıhı-etnografııalyq kesheni salynyp, onda ortaǵasyrlyq úlgidegi qorǵanys bekinisi turǵyzylyp, ótken ǵasyrlarda oblys aýmaǵynda bolǵan iri tarıhı oqıǵalardyń panoramasy kórinis tabady. Atap aıtqanda, Islam dininiń Ortalyq Azııaǵa taralýynda sheshýshi ról atqarǵan Atlah shaıqasynyń, táýelsizdigimizdi saqtap qalýda erekshe orny bar Ańyraqaı shaıqasynyń jáne Qazaq handyǵynyń alǵash týy tigilgen Qozybasydaǵy saltanatty sátterdiń kórinisteri aıshyqtalady. Tekturmastyń eń bıik shoqysynan «Áýlıeatanyń» tulǵalyq eskertkishi ornatylyp, eskertkishke aparar baspaldaqtyń eki jaǵynda Túrik qaǵandarynyń aty-jóni jazylǵan tas tuǵyrlary ornatylady,-deıdi oblys ákimdigi mádenıet, arhıvter jáne qujattama basqarmasynyń basshysy Dúısenáli Byqybaev.

Rasynda da Jambyl oblysynda mádenıet salasyn damytý baǵytynda atqarylyp jatqan jumystar az emes. Munyń barlyǵy da Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasymen sabaqtasyp, jurtshylyqtyń ıgiligine baǵyttalýda. Júıeli jumystardyń aldaǵy ýaqytta da jemisti jalǵasa beretindigine senim mol.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir