• USD 468.56

  • EUR 497.56

  • RUB 7.3

  • CNY 67.18

28 Naýryz, 15:44:31
Almaty
+35°

«Tirliktiń kózin tapqan baılyqtyń ózin tabady» deıdi dana qazaq. Rasynda da erinbeı eńbek etken adamnyń eńsesi bıik. Sondyqtan da qol qýsyryp qarap otyrmaı, qareket qylý qajet. Bul turǵyda memleket tarapynan kórsetiletin qoldaý-kómek te kóp. Memleket basshysy Qasym-Jomart Toqaev ta Qazaqstan halqyna Joldaýynda tıimdi shaǵyn jáne orta bıznes – qala men aýyldy damytýdyń berik negizi bolatyndyǵyn tarqata aıtyp, Úkimet pen ákimderge naqty mindetter júktedi.

Qazirgi tańda Joldaý júktegen mindetter Jambyl oblysynda da júıeli júzege asýda. Ásirese, bıznes qurylymdaryn qarjylaı qoldaýdyń naqty tetikteri aıqyndalyp, jemisin berýde. Bul turǵyda oblystyq kásipkerler palatasy janynan qurylǵan «Atameken Taraz» jaýapkershiligi shekteýli seriktestiginiń kásipkerlerge tıgizip jatqan kómegi kóp. Osy uıymnyń arqasynda Taraz tóńireginde balyqqa qumar qarmaqshylarǵa arnalǵan demalys aýmaǵy men úndik sharýashylyǵy jumysyn jolǵa qoıyp alǵanyn maqtanyshpen aıtýǵa bolady.

Mysaly «Arnur» jeke kásipkerliginiń qojaıyny Rýslan Saýrambaev kásibiniń baıandy bolashaǵy úshin batyl qadamǵa baryp, «Atameken Taraz» uıymynan 4 paıyzdyq stavkamen 5 jylǵa 20 mıllıon teńge nesıe rásimdegen. Sol arqyly ıelegindegi shaǵyn kólde tuqy men alabalyq ósirýdi kózdepti.

Mundaı múmkindiktiń kómegimen kásipker R.Saýrambaev tarazdyqtar men irgeles aýdandardyń balyq aýlaýshylaryna jaıly jaǵdaı jasap, balyq sharýashylyǵynyń damýyna úles qosqysy keledi. Ol alǵan qarjyǵa alabalyq ustaýǵa arnalǵan úlken basseın salypty jáne demalýshylar úshin fýtbol alańshasyn da tósep qoıǵan. Ázirge demalys aýmaǵy ýaqytsha jabyq tur eken. О́ıtkeni onda qonaq úı qurylysy men aýmaqty kógaldandyrý jumystary qolǵa alynǵan.

Balyq qory molaıtylǵan kólge jaz boıy balyqshylar bir tolastamaǵan. Kásipker shabaqtardy kórshi qyrǵyz eli men Túrkistan oblysyndaǵy Shardara sý aıdynynan jetkizedi. Osynda eseıtip, kólge jiberedi. Ol endi sharýashylyq qýatyn arttyrýdy, ıaǵnı tuqy balyqtaryn jylyna 120 tonna, alabalyqty 70 tonnaǵa jetkizýdi kózdep otyr. Qazirdiń ózinde Rýslan Saýrambaevqa jan-jaqtan, onyń ishinde Almaty oblysynan tapsyrystar túsip otyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir