Janar Hamıtovanyń sońǵy ótinishi

Janar Hamıtovamen dýet oryndap, beınebaıan túsirgen jaqyn dosy Rysbek Atash ánshiniń sońǵy ótinishin aıtty, dep jazady Qamshy.kz aqparat agenttigi Sputnik Qazaqstan saıtynyń deregin negizge alyp. 

"Maǵan Nurjanmen kezdestirshi dep aıtqan. Burynǵydaı bárimiz otyrsaq, sóılessek deıtin. Sosyn "Astarly aqıqatta" bergen sońǵy suqbatta Nurjanǵa qatysty qatty aıtyp qoıdym. Sol úshin keshirim suraǵym keledi, soǵan ókinip júrmin dedi. Kezdestirshi dep suraǵan. Kezdeskenshe osyny jetkizshi dep aıtyp júretin. Soǵan qaraǵanda, janyna rýhanı jaǵynan bir tynyshtyq kerek bolǵan ǵoı", - dep eske alady Rysbek Atash.

Atashtyń aıtýynsha, ánshiniń otbasylyq problemalary boldy, balalaryn qatty saǵynyp júrgen eken.

"Janardyń otbasylyq problemalary boldy. Sodan kóńil-kúıi durys bolmady. Sosyn Janar árbir nárseni júregine jaqyn qabyldaıtyn jandardyń qatarynan ǵoı. Keıbir nárselerdi kótere almaı qalady. Endi ajyrasý ońaı emes. Bala-shaǵasy qasynda emes. Anaǵa aýyr ǵoı. Saǵynamyn, kórgim keledi dep aıtyp júretin", - deıdi ol.