Bes otbasylyq úlgidegi balalar úıi salynady

Memleket basshysy Qasym-Jomart Toqaev halyqqa arnaǵan Joldaýynda otbasy jáne bala ınstıtýtyn qoldaý, ınklıýzıvti qoǵam qurýdyń mańyzdyǵyna aıryqsha toqtalǵany belgili. Osy oraıda Jambyl oblysynda 2020-2021 jyldar aralǵan 5 otbasylyq úlgidegi balalar úıin jáne О́mirlik qıyn jaǵdaıdaǵy balalardy qoldaý ortalyǵy janynan medıasııa qyzmetin ashý josparlanýda, dep jazady Qamshy.kz aqparat agenttigi. 

Prezıdent Joldaýda erekshe qajettilikteri bar adamdar úshin birdeı múmkindik jasaý mindetin qoıdy.

Búgingi kúnge oblys boıynsha 45 235 múgedek bar bolsa, onyń ishinde 18 jasqa deıingisi 6302 nemese 14 %-dy quraıdy.

Múgedek balalardy ońaltý jáne beıimdeý ortalyqtarynda 145 bala jáne odan bólek 102 bala stasıonarlyq jáne jartylaı stasıonarlyq úlgide arnaýly áleýmettik qyzmettermen qamtylǵan.

Halyqtyń densaýlyǵy qashanda birinshi orynda turatyny belgili. Sondyqtan da, deni saý ult tárbıeleý, olardy sportqa baýlýǵa basymdyq berilýde.

Búgingi kúni oblys boıynsha 2364 sport nysandarynyń 98%-y turǵyndarynyń júıeli túrde dene shynyqtyrý jáne sportpen shuǵyldanýy úshin qoljetimdi (onyń 510 Taraz qalasynda, 1795-i aýdandarda). Oblysta dene shynyqtyrý jáne sportpen júıeli túrde shuǵyldanýshylar qatary 340 myń adamǵa jýyqtady nemese 29,6%-ǵa jetti.

Jyl sońyna deıin sport nysandaryna qoljetimdilikti 100 %-ke, oblys turǵyndarynyń qamtylý kórsetkishin 31% mejelemek.

Memleket basshysy 2020 jyldy «Volonter jyly» dep jarııalady. Jastardy qoǵamdyq ómirge beıimdeý, qaıyrymdylyq kómek kórsetý jumystaryna tartý - olardy tárbıeleýdiń quraly.

Bul jumystardy júıelendirý maqsatynda oblys ákiminiń ústimizdegi jyly 14 naýryzyndaǵy №52 qaýlysymen «Qamqor» volonterlik-qaıyrymdylyq jobasy qolǵa alyndy. 2 myńǵa jýyq eriktiler 250 myńǵa jýyq otbasylaryn aralap, áleýmettik saýalnama toltyrdy, muqtajdyqtary saralandy. Joba aıasynda Taraz qalasynda 3 (Tóle bı kóshesi - ortalyq meshit, Lenın kóshesi - Taraz qonaq úıi, Báıdibek bı kóshesi – Kóktem massıvi), aýdandarda 9 qaıyrymdylyq dúkenderi ashylyp, 5 saýda oryndarynda turmystyq qajettiliktegi zattardy qabyldaýǵa arnalǵan jáshikter ornatyldy.

Volonter jylyn ótkizý, olardyń sanyn 2 esege arttyrý boıynsha oblystyq jospar ázirlenýde.