• USD 389.52
  • EUR 429.21
  • RUB 6.07
  • CNY 54.94
10 Jeltoqsan, 04:04:41
Qazaqstan Ýkraınanyń saýda naryǵyna alańdaýly

17 Qyrkúıek, 2019 Aımaqtar

68 myń adam kásipkerlikke baýlynady

Tıimdi shaǵyn jáne orta bıznes – qala men aýyldy damytýdyń berik negizi. Básekelik ortada halyqtyń ál aýqatyn arttyrý maqsatynda biregeı jobalardy iske asyrý kerektigi aıqyn. Bul baǵytta da Jambyl oblysynda júıesin tapqan jumystar jeterlik, dep jazady Qamshy.kz aqparat agenttigi. 

Júrgizilgen taldaý boıynsha Jambyl oblysy halqynyń 60,4 paıyzy nemese 679 myń adam aýyldyq jerde turady. Onyń ishinde, eńbek jasyndaǵy 395 myń adamnyń 151 myńynda turaqty tabys kózi joq.

Bul azamattar negizinen bıýdjet esebinen beriletin áleýmettik tólemder, maýsymdyq jumystardan, qosalqy sharýashylyq esebinen kún kórýde.

Birinshi jartyjyldyqta 32 myńnan astam otbasy ataýly áleýmettik kómek aldy (162 354 adam).

Mundaı problemalar barlyq óńirlerge tán. Sondyqtan, El Prezıdenti áleýmettik baǵyttarǵa – otbasy bıznesin qurýǵa, eń aldymen, kópbalaly jáne jaǵdaıy tómen otbasylarǵa basa mán bere otyryp, bızneske qoldaý kórsetýdiń jańa tásilderin engizý kerektigin tapsyrdy.

Bul baǵytta oblysta naqty jospar qurylyp, júrgizilgen jumystardyń alǵashqy nátıjesi de baıqalýda.

О́zderińizge belgili, Elbasynyń ústimizdegi jyldyń 30 qańtarda Úkimettiń keńeıtilgen otyrysynda óńirlerde skrınıng ótkizý týraly tapsyrmasy aıasynda oblystaǵy 376 eldi mekendegi 138 347 aýla zerdelenip, anketalar toltyryldy.

Zerdeleý nátıjesi men turǵyndardyń usynystaryn eskere otyryp, Jambyl oblysy turǵyndarynyń ál-aýqatyn arttyrý jobasynyń tujyrymdamasy ázirlendi. Osy joba aıasynda halyqtyń ómir sapasyn jaqsartýǵa baǵyttalǵan 5 baǵyt tańdalyp otyr. Birinshisi úı irgesindegi jerlerdi tıimdi paıdalaný; Ekinshisi mal sharýashylyǵyn damytý; Úshinshisi aýyl syrtyndaǵy jerlerdiń tıimdiligin arttyrý; Tórtinshisi kooperatıvter qurý; Besinshisi shaǵyn kásipkerlik jobalardy qoldaý.

Osy 5 baǵyt boıynsha jalpy quny 46,4 mlrd. teńge kóleminde 31 myńnan astam jobany iske asyrý kózdelip otyr.

Aldyn-ala esepteýlerge sáıkes, osy jobalardyń iske asyrylýymen 90 myńnan astam jumys oryndarynyń qurylýy, óz betinshe jumyspen qamtylǵan jáne jumyssyz 68 myńnan astam adamdy kásipkerlikpen aınalysýǵa beıimdeý, ataýly áleýmettik kómek alýshylardyń sanyn

qysqartý, aýyl sharýashylyǵy ónimin 132 mlrd. 200 mln. teńgege nemese 33 %-ǵa deıin ulǵaıtý, óńdeýshi kásiporyndardyń júktemesin 30 %-ǵa arttyrý kózdelýde.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir