Jeti jylda 84 ınvestısııalyq joba jandanady

Memleket basshysy Joldaýda halyqaralyq naryqtarda bızneske qoldaý kórsetýge nazar aýdardy. Aldaǵy ýaqytta Úkimet deńgeıinde ónimdiligi joǵary orta bızneske qoldaý kórsetýdiń keshendi sharalary ázirlenetin bolady. Jambyl oblysynda aǵymdaǵy jyly negizgi kapıtalǵa salynǵan ınvestısııa kólemi 145,7 mlrd. teńgeni qurap, ótken jyldyń tıisti kezeńimen salystyrǵanda 9,9%-ǵa artty dep jazady Qamshy.kz aqparat agenttigi. 

Onyń ishinde, sheteldik ınvestısııa úlesi 14,5 mlrd. teńgege nemese 9,3%-ǵa ósken. Jyl sońyna deıin 81 mlrd. teńgege qosymsha 9 jobany (1 joba, sheteldik ınvestorlardyń qatysýymen) iske qosý josparlanýda.

Jalpy, 2019-2026 jyldary iske asyrylatyn quny 2,5 trln. teńge quraıtyn 84 ınvestısııalyq jobanyń bazasy qalyptastyrylǵan. Onyń ishinde sheteldik kompanııalardyń qatysýymen 1,4 trln. teńgege 17 joba bar.

«Sıfrlyq Qazaqstan» memlekettik baǵdarlamasy aıasynda óńirde 5 negizgi baǵyt boıynsha (bilim berý, densaýlyq saqtaý, TKSh, kólik, qaýipsizdik) jumystar júrgizilýde.

"Smart sıtı" 2019-2022 jyldarǵa arnalǵan Jol kartasy boıynsha 11 baǵytta 65 jobany iske asyrý kózdelip otyr.

Aýyl sharýashylyǵy – bizdiń negizgi resýrsymyz. Jambyl oblysy egin ósirýge de, mal baptaýǵa da geografııalyq turǵydan óte qolaıly aımaq. 2019 jyldyń 6 aıynda qaıta óndelgen aýysharýashylyq ónimderiniń eksporty 5 mln 790 myń 400 AQSh dollaryn qurady.

Oblysta et ónimin damytý kartasy ázirlendi. 2018-2027 jyldar aralyǵynda et baǵytyna baǵyttalǵan 3 myń fermer sharýashylyǵy uıymdastyrylady, shet elden jalpy 36 myń bas múıizdi iri qara satyp alý josparlanyp otyr. Osy sharalardyń nátıjesinde óndiristik bordaqylaý alańdarynda óndiriletin sıyr eti 2,7 myń tonnadan 16,8 myń tonnaǵa, eksport kólemi 2,5 myń tonnaǵa jetkizilmek.

Oblystyń sýarmaly jerlerin ulǵaıtý boıynsha jaıylymǵa aýysyp ketken 24 myń 700 gektar jerdiń 17 myń 100 gektary qaıtadan sýarmaly jerge aýystyrylýda. Odan basqa, oblysta qurylǵan mehanıkalyq jasaq (otrıad) arqyly 18 myń gektar sýarmaly alqap qalpyna keltiriledi.

Elbasynyń «Aýyl – El Besigi» arnaıy jobasy aýyldyq eldi mekenderdi damytýǵa baǵyttalǵan biregeı bastama.

Atalǵan joba aıasynda 3 aýdannyń ortalyqtarynda (Baızaq – a.Sarykemer, Jambyl – a.Asa, Shý – a.Tólebı) 2 mlrd. 77 mln teńgege 108 joba iske asyrylýda. Onyń 104 jobasy (2 mlrd. 300 mln teńgege) - áleýmettik, turǵyn-úı kommýnaldyq sharýashylyǵy, kólik ınfraqurylymdary nysandaryn jóndeýge, 4 joba (4 mln.teńgege) áleýmettik nysandar qurylysyn júrgizýge arnalǵan.

2020 jylǵa oblysqa 2 mlrd. teńge kóleminde qarjy lımıti belgilenip, oǵan Qordaı, Merki, Saýdakent aýyldarynda 53 jobany júzege asyrý josparlanýda.