• USD 468.56

  • EUR 497.56

  • RUB 7.3

  • CNY 67.18

29 Naýryz, 18:14:08
Almaty
+35°

18 qyrkúıekte Almaty tehnologııalyq ýnıversıtetinde «ALMATY TECHNOLOGICAL UNIVERSITY» jańa brendimen tanystyrý maqsatynda baspasóz konferensııasy ótti dep jazady Qamshy.kz aqparat agenttigi. 

Konferensııaǵa Almaty tehnologııalyq ýnıversıtetiniń birinshi  prorektory, professor B.Q. Nurahmetov, «Aida KaumeNOVA» brendiniń negizin qalaýshy dızaıner Aıda Kaýmenova, «Bekker ı K» JShS Naýbaıhana jáne kondıterlik seh dırektory N.M. Kalıeva; «Pomodoro» meıramhanalarynyń negizin salýshy Djordjıo Palassı qatysty.

kjn

Almaty tehnologııalyq ýnıversıteti ústimizdegi jylǵy táýelsiz akkredıtteý jáne reıtıng agenttiginiń saraptamasy boıynsha – elimizdegi aldyńǵy qatarly tehnıkalyq ýnıversıtetterdiń úzdik bestigine kiredi, al bilim berý baǵdarlamalarynyń reıtıngisi boıynsha reıtıngke qatysqan 46 mamandyǵymyzdyń 32 júldeli 1,2,3 oryndarǵa ıe boldy, onyń ishinde 17 mamandyǵymyz 1 oryndardy ıelendi. Al búgingi ýnıversıtet rebrendınginiń basty maqsaty – bilim berý naryǵynda jańa ári este qalarlyq stıl qurý, álemniń jetekshi ýnıversıtetterimen yntymaqtastyq baılanysty damytý, - dedi B.Q. Nurahmetov.

Ýnıversıtet prorektorynyń aıtýynsha, ATÝ halyqaralyq QS agenttiginiń Shyǵys Eýropa jáne Ortalyq Azııa elderi ýnıversıtetteriniń reıtıngisi boıynsha úzdik 200 ýnıversıtetter qataryna bıyl besinshi ret kirip otyr.

brs

Konferensııa barysynda ATÝ Túlekter qaýymdastyǵynyń tóraǵasy Aıda Kaýmenova shetelde bilim alýǵa baǵyttalǵan baǵdarlamanyń arqasynda tabysqa jetkenin aıtty.

Men osy ýnıversıtette oqyǵan kezde oqý ordasynyń ataýy basqa bolatyn. Odan keıin Almaty tehnologııalyq ýnıversıteti bolyp ózgerdi. Al búgin halyqaralyq arenaǵa laıyqtalyp ózgergenine qýanyp otyrmyn. ATÝ-da alǵan bilimimdi Italııada jalǵastyrdym. Bilim bazasy osy oqý ordasynda qalandy. Ýnıversıtter arasyndaǵy baılanys arqasynda 13 jyldan beri tabysty eńbek etip kele jatyrmyn, - dedi dızaıner.

Jıyn barysynda oqý ordasynyń jańa logotıpi tanystyryldy. BAQ ókilderi, memlekettik jáne qoǵamdyq birlestikter men otandyq jáne sheteldik bıznes qurylymdar ókilderine ýnıversıtet mýzeıi, et, nan, sút óndiretin ortalyqtar men qonaq úı, meıramhana, tamaq jáne jeńil ónerkásipke arnalǵan ǵylymı zerthanalar, robototehnıka synyptary tanystyryldy.

1957 jyly negizi qalanǵan ýnıversıtet qurylǵan kezeńnen bastap baǵa jetpes qyzmetkerler men ǵylymı potensıal jınaqtady. Qazaqstan jáne shetel ekonomıkasy úshin 60 000-nan asa joǵary bilimi bar maman daıyndap shyǵardy.

Ýnıversıtette taǵam jáne jeńil ónerkásip, meıramhana men qonaq úı bıznesine arnalǵan 3 Tehnopark jumys isteıdi. Olar shıkizattan ónimdi shyǵarýǵa deıingi tolyq tehnologııalyq sıkldy qamtamasyz etetin zamanaýı óndisitik qondyrǵylarmen jabdyqtalǵan.

ATÝ óziniń qundylyqtary men dástúrlerin ózgertpeı jańa bıikterge kóterilýde. Ýnıversıtettiń maqsaty aıqyn – álemniń eń úzdik ýnıversıtetteri qatartyna ený.

ATÝ Medıa ortalyǵy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir