"Basty baılyq – halyq densaýlyǵy"

El Prezıdentiniń halyqqa arnaǵan Joldaýynda Medısınalyq qyzmet kórsetýdiń sapasy men qoljetimdiligin qamtamasyz etý tapsyryldy. Shynynda «Basty baılyq – halyq densaýlyǵy» ekeni daýsyz. Bul baǵytta burnaǵy jyldary da ártúrli memlekettik baǵdarmalar jandanyp, talaı tirlik tiktelgen bolatyn. Endi mine Joldaýdan keıin de júktelgen mindet óziniń dittegen jerine jetýde, dep jazady Qamshy.kz aqparat agenttigi. 

Máselen Jambyl oblysyndaǵy Medısınalyq kolledj bazasynda "sımýlıasııalyq ortalyq" jáne Oblystyq perınataldyq ortalyǵynda «oqytý - klınıkalyq ortalyǵy» ashylyp, 254 qyzmetker oqytyldy.

Jalpy, densaýlyq saqtaý salasynda adam óliminiń aldyn alý sharalaryn júrgizý úshin qajetti mamandardy daıarlaý, kásibı mamandardy tartý, jabdyqtarmen qamtamasyz etý úshin qajettiliktegi shyǵyndar kólemin anyqtap, tıimdi qarjylandyrýdy josparlaý qajet.

Mindetti áleýmettik kómekti saqtandyrýdyń kepildik berilgen kólemi sheńberinde qarjy qory 51 mlrd. 700 myń teńgeni quraıdy. Qorǵa 2020 jyly 54 mlrd.teńge; 2021 jyly 54 mlrd. 600 myń teńge bólý kózdelip otyr.

Joldaýda mádenıet salasynda jumys isteıin qyzmetkerlerdi áleýmettik qoldaý sharalaryn kúsheıtý tapsyryldy. Búginde mádenıet, arhıv salalarynda 1310 qyzmetker jumys istese, olardyń ortasha aılyq jalaqysy 88 myń teńgeni quraıdy.

Mádenıet salasyndaǵy 2197 shtattyq birliktiń eńbek aqysyn 15-20% deıin ulǵaıtý úshin qosymsha 570 mln. 500 myń teńge qajet /A-blogy basshylyq personalǵa 15%, V blogyn - 20%, S-ákimshilik jáne D-qosalqy personaldaǵy blogyn – 20 %/.

1 sáýirden bastap, jańa formattaǵy ataýly áleýmettik kómekke muqtaj 29650 otbasy (150453 adam) anyqtaldy. Bul ótken jylmen salystyrǵanda 2 ese kóp (2018j - 14852 otbasy 74517 adam, 2,5 mrd.teńge). Oǵan barlyǵy 21,2 mlrd. teńge qaraldy (RB 20,0 mlrd. teńge, JB - 1,2 mlrd. teńge).

Búgingi kúnge ataýly áleýmettik kómek alýǵa qaıyrylǵan 39607 otbasynyń 34991-i (176129 adam) qamtylyp, olarǵa qaralǵan qarjynyń 11,9 mlrd. teńgesi tólendi.

Prezıdent Joldaýda atap ótkendeı, jumys istegisi kelmeıtin adamdar nemese áleýmettik kómek alý úshin ózderiniń tabysyn jasyratyndar kóbeıdi.

Sonyń saldarynan áleýmettik kómek taǵaıyndalǵan 7060 otbasyna (38629 adam) qaıta esepteý júrgizilip, sońǵy eki aıda bıýdjetke zańsyz tólengen 7,1 mln.tenge qaıtaryldy.

Aldaǵy ýaqytta ómirlik qıyn jaǵdaıda qalǵan otbasylardy anyqtaý, áleýmettik kómektiń keshendi túrde kórsetilýine basa nazar aýdarylatyn bolady.