• USD 389.52
  • EUR 429.21
  • RUB 6.07
  • CNY 54.94
17 Qazan, 12:31:03
Prezıdenttik jastar kadr rezervine irikteýdiń kelesi kezeńine 904 qatysýshy ótti

17 Qyrkúıek, 2019 Aımaqtar

Bilim berý sapasy jyl sanap jaqsaryp keledi

Prezıdent Joldaýynyń 4-shi mindetinde áleýmettik jańǵyrýdyń jańa kezeńin aıqyndady. Búginde Jambyl oblysynyń bıýdjeti ekonomıkany damytý jáne áleýmettik máselelerdi sheshýge baǵyttalǵan. Onyń eń birinshisi bilim berý sapasyn jaqsartý dep jazady Qamshy.kz aqparat agenttigi. 

Jambyl oblysynda arnaıy tehnıkalyq, pedagogıkalyq jáne gýmanıtarlyq baǵyttarda kásibı baǵdarlanǵan 3 joǵary oqý orny men 46 kolledj bar. Atalǵan bilim ordalaryn bitirgen jastardyń barlyǵy jumysqa ornalasa bermeıdi. Osy rette, oqýǵa qabyldaý tek suranysqa ıe mamandyqtar boıynsha júrgiziletin bolady.

Suranysqa neǵurlym ıe mamandyqtarǵa balalardy beıimdeý jáne kásibı dıagnostıka júrgizý maqsatynda «Edteh» (EDTECH) halyqaralyq bilim berý ortalyǵymen kelisimge qol qoıyldy.

Oblys boıynsha 359 orta mekteptiń (jalpy mektepter sany - 446) 228-inde (63,5%) kásiptik baǵdar berý kabınetteri ashylǵan.

Sońǵy 4 jylda jańadan 24 mektep salynyp, 6 mektepke japsarlas ǵımarat soǵylyp paıdalanýǵa berilse, onyń 25-i aýyl mektepteri.

2018 jyly oblysta IT lıseı-ınternaty, 14 IT synyptary ashyldy. Aǵymdaǵy jyldyń sońyna deıin 37 IT synyptaryn ashý josparlanýda. Osy kúnge oblystaǵy 174 (39%) mektep robototehnıka kabınetterimen jabdyqtalǵan. Bul kórsetkish jyl aıaǵyna deıin 50%-ǵa, 2020 jyly 70%-ǵa jetkiziledi.

Qala men aýyl mektepteri arasyndaǵy alshaqtyqty azaıtý maqsatynda «Tirek» mektepter (resýrstyq ortalyqtar) jelisin keńeıtý boıynsha jumystar júrgizip, arnaıy pánder boıynsha oqýshylarǵa onlaın-oqytý júıesi boıynsha sabaq oqytylmaq.

Joldaýda atalǵandaı, «Dıplommen aýylǵa» baǵdarlamasynyń aıasyn keńeıtip, jumysty jańa deńgeıde jalǵastyrý tapsyryldy. Osyǵan oraı, birinshi kezekte qajetti mamandyqtarǵa basymdyq beriledi.

Oblysta 5 daryndy balalarǵa arnalǵan bilim berý uıymdarynda bilim alatyn 1593 oqýshynyń 720-y (45,2%) aýyl balalary.

Daryndy balalarmen jumys júrgizýdiń 2020-2025 jyldarǵa arnalǵan aımaqtyq kartasy jasalatyn bolady. Kóp balaly jáne az qamtamasyz etilgen otbasylardan shyqqan daryndy balalarǵa arnaıy jeńildikter qarastyrylady.

«Pedagog mártebesi týraly» Zańy jobasynyń aıasynda bilim salasyndaǵy 65 467 qyzmetkerdiń jalaqysyn ulǵaıtýǵa respýblıkalyq bıýdjetten 30,5 mlrd. teńge (2020 j. – 7,0 mlrd tg; 2021 j. – 10,7 mlrd tg; 2022 j. – 12,8 mlrd tg) bólý josparlanyp otyr.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir