"Ashyq dıalog" - berik baılanys kepili

Joldaýdyń júgi árkezde de aýyr. Jambyl oblysynyń ákimi Asqar Myrzahmetovpen bılik pen buqara arasyndaǵy jumysty júıeli etý baǵytyndaǵy algorıtmniń qabyldanǵanyna jylǵa jýyqtap otyr. Bul qalalar men aýdan ákimderiniń jumysyn shıratýǵa sep bolýda dep jazady Qamshy.kz aqparat agenttigi. 

Máselen aýyl ákimderi kezdesýler barysynda týyndaǵan aýdandyq jáne oblystyq deńgeıde sheshiletin máselelerge qatysty aýdan ákimi men oblys ákiminiń bas ınspektoryna usynystar bermeý faktileri oryn alǵan. Ákimder tarapynan halyqpen aradaǵy keri baılanystyń júıeli jolǵa qoıylmaýy, turǵyndar tarapynan ártúrli baǵyttarda aryzdardyń jazylýyna sebep bolýda jáne olardyń birqatary qaıtalanýda.

«Kósh júre túzeledi» demekshi joǵarydaǵy atalǵan syndardan qorytyndy shyǵaryp, aýdan ákimderi, tıisti jaýaptylar algorıtmge sáıkes jumystardy júıelendirýi qajet ekeni anyq.

Sonymen birge, oblys ákiminiń 2018 jylǵy 6 tamyzdaǵy №142-ó ókimimen jergilikti atqarýshy organdardyń ınternet keńistikte jumys júrgizýdiń tártibi bekitilgen.

Tártipke sáıkes, birinshi basshylar ınternet resýrstar men aqparattyq júıelerde, áleýmettik jelilerdegi paraqshalarǵa (akkaýnttarǵa) túsken suraýlarǵa, saýaldarǵa, habarlamalar men ótinishterge, problemalyq suraqtarǵa jedel aqparat /1-3 saǵat ishinde/, aǵymdaǵy aqparat /1-2 kún ishinde/, qosymsha naqtylaýdy qajet etetin aqparattar /3-5 kún ishinde/ resmı jaýap retinde joldaýy tıis.

Ústimizdegi jyldyń 28 tamyzynda «Jambyl oblysy ákiminiń jáne oblys ákimdiginiń laýazymdy tulǵalarynyń áleýmettik jelilerdegi paraqshalaryn, oblys ákimdiginiń resmı saıtyn, Qazaqstan Respýblıkasy elektrondy Úkimetindegi oblys ákiminiń (e-gov.kz) «Ashyq dıalog» portalyn júrgizý jónindegi nusqaýlyq» bekitildi.

Endigi kezekte, basqarma basshylary jáne Taraz qalasy men aýdan ákimderiniń toqsan saıyn osy baǵyttaǵy jumystary qaralatyn bolady.

Birinshi basshylar azamattardyń máselelerin barynsha jergilikti deńgeıde sheship, ortalyq organdarǵa nemese Prezıdent Ákimshiligine júginýge májbúr etkizbeý kerek.

Aryz-shaǵymdarǵa berilgen jaýaptarǵa qanaǵattanbaýshylyq sol salada kúrdeli túıtkilderdiń bar ekenindigin kórsetedi.

Aldaǵy ýaqytta memlekettik organdardyń jumysy azamattardyń barlyq syndarly ótinish-tilekterine zańnama sheńberinde jedel ári qaıta qaıyrylmaıtyndaı jaýap berýine baılanysty baǵalanatyn bolady.