• USD 389.52
  • EUR 429.21
  • RUB 6.07
  • CNY 54.94
17 Qazan, 12:08:05
Prezıdenttik jastar kadr rezervine irikteýdiń kelesi kezeńine 904 qatysýshy ótti

17 Qyrkúıek, 2019 Aımaqtar

Jambylda 290 jańa joba jandanýda

Qarqyndy damyǵan jáne ınklıýzıvti ekonomıka el keleshi ekeni daýsyz. Bul el Prezıdentiniń Joldaýynda da basa aıtyldy. Osy oraıda Áýlıeata jerinde óńir ekonomıkasyn óristetý de oń ózgerister bar dep jazady Qamshy.kz aqparat agenttigi. 

Esepti kezeńniń qorytyndysy boıynsha ónerkásip óniminiń kólemi 2018 jyldyń osy kezeńimen salystyrǵanda 3,2%-ǵa, aýyl sharýashylyǵy – 2,7%-ǵa, qurylys – 1,2%-ǵa, ınvestısııalar – 9,9%-ǵa, saýda - 7,5%-ǵa, kólik qyzmeti - 1,6%-ǵa jáne baılanys qyzmeti - 5,4%-ǵa, ortasha jalaqy 13,7%-ǵa ósti. 264 myń 200 júz sharshy metr turǵyn úı paıdalanýǵa berildi, bul 2018 jyldyń tıisti kezeńinen 2,2 %-ǵa artyq.

Shıkizatqa baılanǵan mentalıtetten bas tartyp, ekonomıkany ártaraptandyrý boıynsha ındýstrııalandyrý kartasy aıasynda iske asyrylyp jatqan jobalardyń ýaqtyly iske qosylýy – negizgi kórsetkishtiń biri. Sondyqtan, Taraz qalasy men aýdandar ákimderi, kásipkerlik jáne ındýstrıaldy-ınnovasııalyq damytý basqarmasy men ınvestorlarǵa qyzmet kórsetý ortalyǵy jobalardyń iske asyrylý barysyn kúndelikti baqylaýda ustap, týyndaǵan problemalyq máselelerdiń jyldam sheshilýine barlyq sharalardy qabyldaıtyn bolady.

Memleket Basshysy ındýstrııalyq-ınnovasııalyq damý baǵdarlamasy aıasynda ónimdiligi joǵary orta bızneske qoldaý kórsetýdiń keshendi sharalaryn ázirleýdi tapsyrdy. Bul baǵyttaǵy eń tıimdi sharalardyń biri – ındýstrııalyq aımaqtar qurý.

Shý aýdanynda «Taraz Hımııalyq parki» arnaıy ekonomıkalyq aımaǵynyń ınfraqurylym qurylysy aıaqtalýda.

Kásipkerlik jáne ındýstrıaldy-ınnovasııalyq damytý basqarmasy «Taraz Hımııalyq parki» Basqarýshy kompanııasymen birlesip, jobalardy ýaqtyly iske asyrý úshin, zańnamaǵa sáıkes barlyq memlekettik qoldaý sharalaryn kórsetetin bolady.

Taraz qalasynyń aýmaǵynda respýblıkalyq mańyzy bar ındýstrııalyq aımaq qurý jumystaryn aıaqtaý mindeti tur.

Búgingi kúnge tirkelgen 84 myńnan asa shaǵyn jáne orta kásipkerlik sýbektileriniń ishindegi jumys jasaıtyndarynyń úlesi 80,3%-ǵa jetti. Ol, ótken jyldyń osy kezeńimen salystyrǵanda 11,4 %-ǵa artyp otyr.

«Bıznestiń jol kartasy - 2020» baǵdarlamasy aıasynda aǵymdaǵy jyldyń 8 aıynda 4,5 mlrd. teńgege 290 jańa joba iske asyrylýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir