Joldaý júktegen mindet minsiz oryndalýy tıis

Memleket basshysy Qasym-Jomart Toqaevtyń Joldaýy júktegen basym baǵyttyń biri – halyqpen keri baılanys ornatyp, olardyń muń-muqtajyn óteý. Bul baǵytta búginde Jambyl oblysynda baǵdaryn tapqan jumystar barshylyq, dep jazady Qamshy.kz aqparat agenttigi. 

Máselen jergilikti turǵyndar kóterip otyrǵan máselelerdi zerdeleý, halyqpen keri baılanys ornatý, jergilikti atqarýshy organdardyń jumys tártibin júıelendirý jáne onyń tıimdiligin arttyrý maqsatynda oblys ákiminiń 13 naýryzdaǵy №70-ó ókimimen Jergilikti atqarýshy organdarynyń jumys algorıtmderi bekitilgen bolatyn.

Algorıtmge sáıkes, qala, aýdan ákimderi 5 kún buryn basylymdarda, áleýmettik jelilerde, resmı saıttarda turǵyndarmen ótkizetin kezdesý orny, merzimi týraly habarlaý kerek.

Jergilikti ákimder tarapynan algorıtmdi júzege asyrý barysynda kóptegen kemshilikterge jol berilip, áli de bolsa turaqty júıe qalyptaspaı otyrǵany anyqtaldy.

Mysaly birqatar aýdandarda aýdan ákiminiń okrýgtardy aralaý kestesi aýdan ákimimen bekitilmegen, eldi-mekenderge shyǵý kestesi oblys ákiminiń bas ınspektoryna resmı joldanbaǵan. О́tkizilgen kezdesýler jıyndarynyń hattamalarynda okrýg ákiminiń, jergilikti mekeme basshylary (poshta, densaýlyq saqtaý mekemesi, ýchaskelik polısııa t.s.s.) esepteriniń tyńdalǵany, olardyń jumysyna naqty baǵa berý, kóterilgen máseleler boıynsha naqty qabyldanǵan sheshimder, oǵan jaýapty laýazym ıesin bekitý sekildi máseleler enbegen. Rásimdelgen hattamalardyń oryndalýyna taldaý jasalmaǵan.

Inspektorlar tarapynan zerdeleý barysynda ákimderdiń eldi-mekenderdi aralaý kezinde azamattardy jeke suraqtarymen qabyldaýlar máselesi de júıelenbegeni belgili boldy (qabyldaý boıynsha arnaıy kártishke toltyrý, ony túpkilikti sheshimin tapqansha baqylaýǵa alý, tıisti jaýaptylarǵa buryshtama jazý sekildi qujattardyń bolmaýynan osyndaı túıin jasaýǵa bolady).

Aýdandyq deńgeıde ótkiziletin apparattyq jıyndarda oblys ákimi men orynbasarlarynyń tapsyrmalarymen qatar, bas ınspektordyń usynystary qaralýy tıis bolatyn. Alaıda, bul másele de tolyq júıege túspeı otyr.

Dese de, bul jumystyń joqtyǵyn emes, kerisinshe kóshtiń qozǵalǵanyn kórsetedi. Sondyqtan baǵyt pen baǵdar barda, jospar júz paıyz mejesine jetetindigine senimdimiz.