О́neriń órge júzsin, jas órken!

Elimizdiń talapty jastaryn yntalandyrý maqsatynda «Adyrna» ulttyq-etnografııalyq birlestigi men Azamattyq bastamalardy qoldaý ortalyǵy «Týǵan jer» shyǵarmashylyq baıqaýyn jarııalaǵan edi. Qatysýshylar «Úzdik maqala» , «Úzdik poezııa» , «Úzdik beıneleý óneri» , «Úzdik ónertabys» , «Úzdik beınerolık» jáne «Úzdik dástúrli mýzyka oryndaýshysy» nomınasııalary boıynsha baqtaryn synaı alady.

Eldiń pen erliktiń, el men jerdiń parqyn bilip, patrıot bolýǵa baýlýdy basty baǵdar etip alǵan bul baıqaý aǵymdaǵy jyldyń 30-shildesinde bastaldy. Búginge deıin 50-ge jýyq materıal qabyldap úlgergen «Adyrna» ulttyq-etnografııalyq birlestigi oqyrman qaýymǵa baıqaý merziminiń uzarǵanyn habarlaıdy. Obektıvtiligi men ózektiligine jáne sapasy men saýatyna basa nazar aýdarylatyn baıqaý jumystary 2019 jyldyń 30-qyrkúıegine deıin qabyldanady.

Aıta keteıik, uıymdastyrýshylar tarapynan jeńimpazdarǵa beriletin júlde qory 1-oryn úshin 130 myń teńgeni, 2-orynǵa 90 myń jáne 3-oryn úshin 60 myń teńgeni quraıdy. Oza shaýyp, saýatty, ári sapaly jumys usynǵan baıqaý qatysýshylary qazan aıyndaǵy qorytyndy festıvalde marapattalady.

Tuǵyryn týǵan jerine qadap, bastaý-bulaǵyn atamekeninen alǵan jas órken, óneriń órge júzsin!

 "Adyrna" ulttyq-etnografııalyq birlestigi.