• USD 389.52
  • EUR 429.21
  • RUB 6.07
  • CNY 54.94
14 Qazan, 05:15:49
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

17 Qyrkúıek, 2019 Aımaqtar

Jambyldaǵy qan ortalyǵyna 80 jyl

Irgetasy oblys qurylǵan sátte qalanǵan óńirdegi qan qyzmetine 80 jyl.1939 jyldyń 1 qarashasynda qan quıý boıynsha tirek pýnktiniń oblystyq qan quıý beketinen bastalǵan bul tarıhtyń óńirdegi densaýlyq salasyndaǵy alar orny erekshe. Alǵashqy jyldyń ózinde oblystyq qan quıý beketinde 81 márte qan quıý is-sharasy júrgizilipti, dep jazady Qamshy.kz aqparat agenttigi. 

Oblystyq qan quıý beketin surapyl soǵys jyldary da óz mindetin minsiz atqardy. Soǵystyń alǵashqy jyldary bekette 168 lıtr qan daıyndalsa, 1946 jyly mundaǵy qannyń qory 178 lıtrdi qurady.

1971 jyly stansııada KS-30 qurylǵysynyń kómegimen qurǵaq plazmalardy ázirleý júrgizildi. Osy jyldary munda qan quıý máselesimen aınalysatyn orta medısınalyq býyn qyzmetkerleriniń biliktiligin arttyrý kýrsy jumysy qolǵa alyndy. Sáıkesinshe qandy daıyndaý, qaıta óńdeýdiń qarqyny artty. Al 25 jyl buryn oblystyq qan quıý beketi oblystyq qan ortalyǵy ataýyna ıe boldy. Budan 8 jyl buryn ortalyqtyń zamanaýı úlgidegi ozyq medısınalyq jabdyqtalǵan jańa ǵımaraty paıdalanýǵa berildi.

Búginde oblystyq qan ortalyǵynyń qýattylyǵy jylyna 15 myń lıtr qan men onyń quramdas bólikter ázirleýge jetedi. О́ńirdegi qan qyzmetiniń 80 jyldyq tarıhy memlekettik óńirlerde dál osy salanyń damýyna aıryqsha kóńil bólip otyrǵanyn aıǵaqtady.

Sońǵy 3 jylda ortalyq qyzmetine 50 myń donor júgindi. Osy aralyqta ortalyq qyzmetiniń nátıjesinde 6398 aýrý saýyǵyp qatarǵa qosyldy. Teris-rezýs faktor kórsetken 7433 júkti áıel zamanaýı dıagnostıkamen qamtyldy, deıdi oblystyq qan ortalyǵynyń dırektory Gýlam Omarov.

Ortalyq sońǵy 3 jyl ishinde óńirdegi 28 medısınalyq uıymnyń suranysyna saı transfýzıologııalyq kómek úshin 52 436 qannyń mólsheri men quramdas bólikterin daıarlady. Sondaı-aq ortalyqta qan tapsyrýshylar men oǵan muqtajdardyń ortaq bazasyn qalyptastyrýda «Info-Donor» aqparattyq júıesiniń múmkindigi keńinen qoldanylyp jatyr. Bul júıe donorlyq qandy ázirleýdiń ár satysyn muqııat baqylaýǵa múmkindik berýimen erekshelenedi. Munan ózge donorlyq qan toptarynyń sáıkes kelýin zerdeleý maqsattarynda

«Info-Grantum»,«Info-Blood» baǵdarlamalarynyń múmkindigi de kádege jaraýda. Jalpy ortalyq qyzmetin uıymdastyrý, onyń densaýlyq saqtaý salasyndaǵy eń jaýapty mıssııasyn múltiksiz oryndaýy jolynda birqatar bilikti dárigerler men medbıkeler zor eńbek sińirgenin atap ótken jón.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir