• USD 389.52
  • EUR 429.21
  • RUB 6.07
  • CNY 54.94
15 Qazan, 15:45:16
Saılaý qarsańynda "joǵalyp ketken" akter Shrı-Lankadan sálem joldady (vıdeo)

17 Qyrkúıek, 2019 Aımaqtar

Jambyldyq jas qarı Quran oqýdan Túrkııa Prezıdenti júldesi úshin bolǵan saıysta jeńimpaz atandy

Jambyldyq Dýlat Bolatbekuly Quran jarysynan Túrkııa Prezıdentiniń júldesi úshin bolǵan saıystan oljaly oraldy. Ol buǵan deıin Quran oqýdan respýblıkalyq, álemdik deńgeıde uıymdastyrylǵan baıqaýlardan úzdik shyqqan, dep jazady Qamshy.kz aqparat agenttigi. 

Qarshadaıynan bes ýaqyt namazyn qaza qylmaǵan otbasydan tárbıe kórip ósken jas qarı ákesiniń kóliginde qosylyp turǵan Qurannan onyń birneshe súrelerin jattap alǵan. Balasynyń boıyndaǵy dinge degen jaqyndyqty baıqaǵan ákesi de Dýlattyń bir kezderi oblystyń bas ımamy bolǵan Danııar Jumabaevtyń tárbıesine bergen eken. Jastaıynan din ustazynyń aldyn kórgen shákirt 14 jasynda respýblıkalyq Quran oqý jarysynyń jeńimpaz atanǵan. Osylaısha atalǵan saıystan soń el namysyn sheteldik básekelerde qorǵaýǵa múmkindik alǵan Dýlattyń halyqaralyq básekelerdegi jeńisti joryǵy Indonezııadan bastalypty. Keıinnen Túrkııada arnaıy kýrsta bilimin shyńdaǵan talapty jasqa Prezıdent syılyǵy úshin ótetin Quran oqý jarysyna qatysý týraly usynys túsken.

–Bul usynysqa qýana kelisim berdim. Álbette bul saıysta jeńiske jetýden buryn qatysýdyń ózi ǵanıbet. Stambýl qalasynda ótken bul jarysqa álemdegi musylman elderinen sýyrylyp shyqqan úzdikter qatysty. Bul baıqaý on eki kezeńnen turdy. Ár kezeń saıyn suraqtar da qıyndaı beredi. Munda Qurannyń 400-i betiniń 8-i qatarynan nemese qandaı da bir súreniń sońǵy aıatyn oqý týraly talap qoıdy. Qazylar alqasy úmitkerlerdi Qurannyń kez kelgen jerinen suraq qoıyp, súrindirýge tyrysty. Soǵan qaramastan jarystyń qorytyndysy boıynsha úsh qatysýshy «Altyn belgi» buıyrdy,–deıdi jas qarı.

Shyn máninde asqan yjdahattylyq pen tııanaqtylyqty qajet etetin saıysta jeńis tuǵyrynan kórinýge Dýlat Bolatbekulyna otbasy oshaq-qasynda kórgen tárbıeniń de yqpal zor bolǵanyn atap ótpeske bolmaıdy.

–Áke-sheshemiz men es bilgeli namazyn qaza qylyp kórmegen jandar. Olardyń izin jalǵap eki ápkem de din jolyn ustanyp, ustazdyq qyzmet júr. Jastyǵyna qaramastan eki inimniń de Qurandy jattap alýǵa qushtarlyǵy erekshe. Altynshy synypta oqıtyn úlken inim Qurannyń jartysyn jattap úlgerdi. Al kishisi bir parany jattap alǵan, –deıdi Dýlat Bolatbekuly.

Qazaqstan atyn Quran oqý saıysynda kópshilikke tanytqan talapty jas bolashaq Arab memleketinde nemese Katarda, Afrıka elderiniń birinde din salasynda joǵary bilim alý da josparlaýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir