• USD 389.52
  • EUR 429.21
  • RUB 6.07
  • CNY 54.94
16 Qazan, 01:39:25
Saılaý qarsańynda "joǵalyp ketken" akter Shrı-Lankadan sálem joldady (vıdeo)

18 Qyrkúıek, 2019 NEWS

Nazarbaeva Toqaevtyń jumysyn joǵary baǵalady

Astanada Álemdik jáne dástúrli dinder lıderleri sezi hatshylyǵynyń XVIII otyrysy bastaldy. Búgin senat tóraǵasy Darıǵa Nazarbaeva hatshylyq tóraǵasy retinde otyrysty alǵash ret ótkizip otyr, dep habarlaıdy Qamshy.kz aqparat agenttigi. Otyrys kezinde Darıǵa Nazarbaeva Toqaevtyń Senat tóraǵasy bolyp qyzmet atqarǵandaǵy jumysyna joǵary baǵa berdi. 

"Táýelsizdik jyldarynda óńirlik qaýipsizdik pen turaqtylyqtyń tiregine aınalǵan eldiń basshysy Nursultan Nazarbaevtyń bastamasyn eń iri álemdik dinder men konfessııalardyń basshylary qoldady. Onyń konfessııaaralyq ashyq dıalog ótkizý ıdeıasyn sol sátte barsha álemnen qoldaý tapty. Sodan beri Qazaqstannyń tuńǵysh prezıdentiniń strategııalyq salmaqty ári kóregen bastamasy óziniń ózektiligin joǵaltqan emes", - dep bastady sózin Nazarbaeva.

Sezd barysynda Úndi mádenıeti ortalyǵynyń dırektory Kala Dhanandjeı Acharııa mahabbat pen óner, tatý dıalog týraly aıtqan. Darıǵa Nazarbaeva doktordyń sózimen kelisip, kelesi sezde óner festıvalin uıymdastyrýdy usyndy. 

"Maǵan óner - adam júregine jetkizetin eń qysqa jol degen ıdeıa unaıdy. Sondyqtan, sizben tolyq kelisemin, tatýlyq, beıbitshilik, dinaralyq jáne konfessııaaralyq dıalog múddesinde barlyq baǵyt boıynsha ónerdi ázirleý jáne pysyqtaý qajet degen kózqarasyńyzben kelisemin. Kelesi kongreste osy taqyrypqa arnalǵan óner festıvalin uıymdastyryp, daıyndaı alamyz dep úmittenemin. Osy bastamada qosatyn yqtımal úlesińiz úshin bárimiz sizge alǵys aıtamyz dep oılaımyn. Eger bul festıvalǵa jastar nazaryn aýdarta alsańyz, bul osy taqyrypqa arnalǵan óner kórmesin uıymdastyrý úshin eki ese paıdaly bolar edi. Bizdiń jumys tobymyz osy boıynsha jumys isteıdi", - dedi Darıǵa Nazarbaeva.

Keıin Darıǵa Nazarbaeva ákesi Nazarbaevtyń Sırııadaǵy máseleni elordada retteý bastamasy týraly aıtty. 

"Qurmetti qonaqtar, bizdiń aldymyzda 202 jylǵa josparlanǵan Álemdik jáne dástúrli dinder lıderleriniń VIII seziniń kún tártibindegi negizgi taqyryptardy tujyrymdaý jáne ony ótkizýdi uıymdastyrý boıynsha jaýapty jumys kútip tur", - dedi Nazarbaeva. 

Otyrys kezinde san alýan konfessııa ókilderi hatshylyqtyń burynǵy tóraǵasy Qasym-Jomart Toqaevtyń eńbegin erekshe atap ótti. Darıǵa Nazarbaeva onyń buǵan deıin atqarǵan jumysyna joǵara baǵa berdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir