• USD 389.52
  • EUR 429.21
  • RUB 6.07
  • CNY 54.94
19 Qazan, 16:17:52
Nazarbaev: "Nur Otan" halyqty mazalaıtyn máselelerge aralaspaıdy

18 Qyrkúıek, 2019 Ádebıet

Muzafar Álimbaı: Aýzyńa ıe bol, kim kóringenge oıyńdy aıtyp, syryńdy jaıma

Muzafar Álimbaı (1923-2017 jj.) — Qazaqstannyń Halyq jazýshysy, Memlekettik syılyqtyń laýreaty, qazaq ádebıetinde soǵys surapylyn bastan keshken qalamger, balalar aqyny.

«Jarlynyń  jany jomart». Barymmen bólissem, barlar maǵan da birdeńesin qııar dep oılaıdy baıǵus jarly. Sonysy da suńǵylylyq!  Al tastaı qatyp qalǵan tas sarańǵa taryqqan sátte kim qaraılasar?

***

«Úıdi daýyl kezinde emse, buryn tigedi». Ár istiń óz yǵy bar. Sony bilý kerek. Neni neden keıin qolǵa alǵan durys. Mine, sony anyqta. Sonda barlyq isiń sátimen júredi.

***

«Ár zamannyń úlgisi ózine qymbat». Ár dáýirdiń, kezeńniń óz salty, dástúri bar. Ony kózben kórgender sony joǵary sanaıdy, áspetteıdi, urpaǵyna úlgi etip aıtyp otyrady. Ol zańdy da. Sabaqtastyń degen osy shyǵar, siri.

***

 «Kóńil qonaqasy bolmaıdy». Úıge kelgen jolaýshyny syldyr sózben syılaǵan otaǵasyǵa kimniń kóńili kónshisin? Kóńiliń ashyq ekenin bildirgiń kelse, birden dastarqanyńdy jaı, qazanyńdy kóterip, dámińdi qonaǵyńnyń aldyna tart.

***

«Saýda tili sholaq». Han bazarda qalaǵan nárseńdi alý úshin nemese  qoldaǵyńdy ótkizý úshin satarmanmen de, alarmanmen de taq-taq, naq-naq sóıles. Sóıtip, ýaqytyńdy tekke ótkizbeı, paıdaly is tyndyrǵanyń tıimdi.  Bos sóz sol bazarda seni bos qaldyrady.

***

«Qudaı quraǵandy pende shashyp taýysa almaıdy». Bul sózdiń maǵynasy bylaı sııaqty. birinshiden, Allanyń isine adam aralasa almaıdy. Qudaı isine kılikken kúnákár bolady. Ekinshiden, adal jolmen jınalǵan dúnıe berekeli keledi, mol bolady, sarqylyp nemese taýsylyp qalmaıdy.

***

«Jaman syryńdy bilmesin, baýyryńdy tilmesin». Aýzyńa ıe bol, kim kóringenge oıyńdy aıtyp, syryńdy jaıma. Kezdeısoqta kezdeskenmen jalpyldap áńgimelese berme. Mine, sonda sózge qalmaısyń, ósekke iligip, azap shekpeısiń.

***

«Jerden tabylsa, aspanǵa sekirme». Ieginiń astyndaǵyny qaıdaǵy bir qııaldan izdep dal bolatyndarǵa qalaı qaıran qalmassyń?! Ondaılar ózin ǵana emes, ózgelerdi de sharshatady, áýre-sarsańǵa salady. Sondyqtan da olarǵa aıaǵyńnyń astyndaǵyny jer túbinen izdeme dep aqyl aıtqan lázim.

***

«Kedeı kúrishin tapsa, ydysyn tappas». Kembaǵaldyń qashan tórt qubylysy teń bolǵan. Biri jetse, biri jetpeı júredi emes pe. Bul sóz, mine, osydan shyqqan ǵoı.

Oqı otyryńyz, ♦Muzafar Álimbaı: Aǵa urpaq tájirıbesin attap ótemin degen alysqa barmaıdy

♦Muzafar aıtqan mándi sóz: «Maımyldyń mıy oınaýǵa jetkenmen, oılaýǵa jetpeıdi»

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir