• USD 389.52
  • EUR 429.21
  • RUB 6.07
  • CNY 54.94
16 Qazan, 04:04:22
Saılaý qarsańynda "joǵalyp ketken" akter Shrı-Lankadan sálem joldady (vıdeo)

18 Qyrkúıek, 2019 NEWS

Semeıdiń bas polıseıi turǵyndarǵa esep berdi

Semeı qalalyq mádenıet saraıynda polısııa basqarma basshysy Dýlat Qazaqpaev turǵyndarmen esepti kezdesý ótkizdi. Polısııa basqarma basshysy habarlaǵandaı, Semeıde jasalǵan qylmystardyń eń kóp taraǵan túri urlyq pen alaıaqtyq. Buǵan kóbinese adamdardyń óz múlkine nemquraıly qaraýy sebep bolyp otyr. Turǵyndar kóp jaǵdaıda  baǵaly zattar saqtalatyn  úı-jaılardyń esikterin jappaıdy . Taǵy bir sebep-kúzet, dabyl jáne beınebaqylaý kameralarynyń bolmaýy. Qalalyqtar "OLX", jáne  "Kolesa.kz"-tiń qurbandary bolyp jatady.

Búgingi kúni alaıaqtyqty ashý jáne tergeý úshin tájirıbeli qyzmetkerler qatarynan top quryldy. Olar kún saıyn jalǵan habarlandyrýlardy anyqtaý úshin ınternet saıttarǵa monıtorıng júrgizip otyrady. Sondaı-aq urlyq pen alaıaqtyqtyń aldyn alý boıynsha beınerolıkter ázirlenip, olar qoǵamdyq oryndarda kórsetilip otyrady.

Jalpy, jyl basynan beri polısııa qylmystyq quqyq buzýshylyqtardy 1188 faktige tómendetti. 8 aı ishinde qalada buzaqylyq 70%-ǵa, tonaý 6%-ǵa, zorlaý 21%-ǵa kem, alaıaqtyq 36%-ǵa  jáne urlyq 25%-ǵa azaıdy. Páter urlyǵy da 3 esege kemidi.

Degenmen, polıseıler qala turǵyndaryn óz múlikterine jaýapkershilikpen qaraýǵa jáne beıtanys adamdarmen qarym-qatynasta saq bolýǵa shaqyrady.

– Bizdiń qala turǵyndaryna óz múlikterine, páterlerine men úılerine jaýapkershilikpen qaraýǵa shaqyramyn.  Qalada bar tıisti kúzet agenttikterimen páterlerdi kúzetýge kelisim-shart jasaı otyryp, arnaıy dabyl sıgnaldary ornatylý kerek, – dedi Dýlat Qazaqpaev.

Sondaı-aq, ótken jyldan bastap Semeı polısııasy qylmystyq jáne ákimshilik óndiristi júrgizýdiń elektrondyq formatyna kóshti. Máselen, qylmystyq isterdi tergeý kezinde barlyq málimetter men qujattar kompıýter arqyly elektrondyq qylmystyq iske engiziledi jáne tergeý bólimsheleriniń basshylaryna qoljetimdi bolady.

Sonymen qatar, polısııa qyzmetkerleri 3-5 mınýt ishinde planshettiń kómegimen Ákimshilik quqyq buzýshylyq týraly hattamany elektrondyq formatta jasap, basyp shyǵaryp, ony azamatqa qysqartylǵan is júrgizý týraly túbirtektiń túbirtegimen qosa bere alady. Buryn bul rásim 15-20 mınýtqa sozylatyn.

О́ıtkeni quqyq buzýshyny vedomstvolyq bazalar boıynsha tekserý qajet boldy. Qazir bul azamattyń JSN elektrondyq nysanyna engizgen kezde avtomatty túrde júzege asyrylady.

– Búgingi kúni polısııa qyzmetkerleri termoprınteri bar 70 planshetti paıdalanady. Onyń 30-y Semeı qalasynyń jergilikti atqarýshy organynyń qoldaýymen bólingen, – dedi Dýlat Qazaqpaev.

 Semeı qalasynyń aqparattyq ortalyǵy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir