Semeıde óner sheberleriniń halyqaralyq baıqaý-festıvali ótti

Semeı qalalyq Arbatta elimizdiń barlyq óńirinen jáne jaqyn shetelderden kelgen sheberler men qolónershiler qala turǵyndaryna óz shyǵarmashylyǵyn tanystyrý úshin jınaldy.

Shara  oblystyq ákimdiktiń qoldaýymen qalalyq Dostyq úıi ókilderiniń uıymdastyrýymen ótkizildi. 

–  Sándik-qoldanbaly óner festıvali  "Rýhanı jańǵyrý" baǵdarlamasy aıasynda ótkizilip jatyr. Búgin munda Shyǵys Qazaqstan, Qyzylorda, Aqtaý jáne Pavlodardan 70-ten astam sheber jınaldy. Sondaı-aq Reseıden arnaıy qonaqtar shaqyryldy. Is-sharanyń basty maqsaty – bizdiń sheberlerdiń jumysyn jáne qoldanbaly shyǵarmashylyqtyń jyl saıyn damyp otyratynyn kórsetý. Shara barysynda Qazaqstannyń shyǵarmashylyq ujymdarynyń qatysýymen merekelik konsert ótedi, – deıdi qalalyq Dostyq úıiniń dırektory Nadejda Sharova.

Festıval sońynda úzdik jumystardyń avtorlary baǵaly syılyqtar men estelik sertıfıkattarǵa ıe bolady.

Semeı qalasynyń aqparattyq ortalyǵy