Ysyrapshylyq bolmaý kerek

Semeıdiń qalalyq "Dostyq" úıinde zııaly qaýym ókilderiniń, depýtattardyń qatysýymen dóńgelek ústel bolyp ótti. Kezdesý barysynda qalanyń sol jaǵalaýynda jańadan salynyp jatqan meshit qurylysy jáne ony abattandyrý jumystary sondaı-aq,  qatym túsirgende, qonaq asy berilgende qoıylatyn as mázirine qatysty máseleler qozǵaldy.

Jańa meshit qurylysy 2008 jyly bastalyp, túrli sebeptermen jumystar toqtatylǵan bolatyn. Alaıda, jeke kásipkerlerdiń demeýshiligimen meshit qurylysy qaıta jandandy.  Búginde meshittiń syrtqy bóligin jóndeý jumystary jalǵasýda. Meshit 2000 adamǵa arnalǵan. 700 kólikke avtoturaq qarastyrylyp, 2 shaǵyn aspaly kópir salý josparlanýda. Jıynda qatymhana salý jáne as mázirin retke keltirý de sóz boldy.

– Qala boıynsha 11 meshittiń 9 qatymhanasy bar. Tóleýbek qajy meshitindegi qatymhana 300 adamǵa arnalǵan. Aıtpaǵym, qonaq asy kezindegi ysyrapshylyq. As negizinen alystan kelgen aǵaıynǵa beriledi. Alaıda,  barlyq adamnyń qonaq asyn berýge jaǵdaıy kele bermeıdi. Sondyqtan, barshalaryńyzdy  qatym kezinde astamshylyqqa jol bermeýlerińizdi suraımyn, –dedi Semeı qalasynyń ortalyq meshitiniń naıb ımamy Erlan Dosymuly.

Semeı qalasynyń aqparattyq ortalyǵy