Hamıtovanyń týystary mınıstrdiń sózin joqqa shyǵardy

Ánshi Janar Hamıtovanyń týystary, onyń ózine-ózi qol salǵanyn joqqa shyǵardy dep jazady Qamshy.kz aqparat agenttigi Astana arnasynyń deregin negizge alyp. Marqumnyń týysqan aǵasy qaryndasynyń qazasyna múlde basqa jaǵdaı sebep bolǵanyn habarlady. Degenmen qazir oqıǵanyń mán-jaıyn polısııa anyqtaýǵa kirisken. 

Ánshi Janar Hamıtova nebári 30 jasta. Onyń qazasy jaıly keshe tańerteń áleýmettik jelide tarady. Qaıǵyly jaǵdaı Qarqaraly aýdanyndaǵy ákesiniń úıinde bolǵan. Oqıǵa ornyna jedel járdem shaqyrtylǵanymen, ánshige arasha bola almapty. Degenmen Janardyń jumbaq ólimine qatysty túrli qaýeset tarap úlgerdi. Áleýmettik jelidegi jazbalarda, ánshi ózine qol saldy, asylyp qaldy,- degen aqparattar jyldam tarady. Polısııa da «ózin-ózi óltirýge deıin jetkizý» babymen tergeý jumystaryn bastady.  

"Atalǵan fakt sotqa deıingi tergeýdiń biryńǵaı tizimine QK 105 baby, 1- inshi bóligine sáıkes tirkeldi. Tergeý barysynda oqıǵanyń mán jaıy anyqtalatyn bolady", - Qaraǵandy oblystyq PD-nyń baspasóz hatshysy.

Alaıda marqumnyń týystary ánshiniń ózine qol jumsaǵanyn joqqa shyǵaryp otyr. О́zin týysqan aǵasymen dep tanystyrǵan Tıyshbek Hamıtovtiń aıtýynsha qaryndasynyń qazasyna, onyń basynda bolǵan jaıttar sebep bolǵan. Júregine salmaq saldy deıdi.  

"Ondaı eshteńe bolǵan joq. Júregi shydamady. Úıde tazalyq jumystaryn istep jatty, 1-2 kúnge kelgen. Ondaı eshteńe bolǵan joq. Júregi nashar boldy. Bir nársege alańdaǵan bolsa kerek. Altyn bala ol. Shyǵarmashylyqtyń adam edi", - deıdi Tıyshbek Hamıtov.