• USD 389.52
  • EUR 429.21
  • RUB 6.07
  • CNY 54.94
18 Qazan, 13:07:08
Sarapshylar joldaýdyń júzege asyrylýyn talqylady

17 Qyrkúıek, 2019 NEWS

Edvard Snoýden: WhatsApp pen Telegram qaýipsiz emes

Ol shıfrlanýy ozyq eki messendjerdi qoldanýdy usynyp otyr.

Amerıkalyq arnaıy qyzmettiń burynǵy qyzmetkeri Edvard Snoýden sheneýnikterge WhatsApp pen Telegram messendjerlerin qoldanbaýǵa keńes beredi, dep habarlaıdy Qamshy.kz aqparat agenttigi forbes.kz-ke silteme jasap.
France Inter saıtyna shyqqan suqbatta jýrnalıst Fransııa premer-mınıstri Edýar Fılıpp WhatsApp-ty, prezıdent Emmanıýel Makron Telegram jelisin qup kóretinin aıtqan. Buǵan jaýap retinde Snoýden  mınıstrlerdiń WhatsApp-ty qoldanýy "úlken qatelik" ekenin málim etti. Ol atalǵan qosymshanyń 2014 jyly Facebook-tyń qaramaǵyna ótkenin atap ótti.
– Olar qaýipsizdik deńgeıiniń qabattaryn sát saıyn joıyp otyr, – deıdi ol.

Onyń sózinshe, atalǵan qosymshalar qajet jaǵdaıda qoldanýshylardyń áńgimeleri men habarlamalarynyń mazmunyn bile alady. Dese de Snoýden WhatsApp pen Telegram jelileri qarapaıym sms-habarlamalarmen salystyrǵan qaýipsiz ekenin de aıtty. Onyń oıynsha Signal jáne Wire messendjerleri – eń qaýipsiz jeliler.

Buǵan deıin Telegram-nyń negizin qalaǵan Pavel Dýrov WhatsApp messendjerin ashyq synǵa alǵan bolatyn. Al Apple quryltaıshylarynyń biri Stıv Voznıak jeke derekterdiń qaýipsizdigi úshin Facebook-tan shyǵyp ketýge keńes bergen. Ol óz akkaýndyn ótken jyly óshirip tastaǵan bolatyn.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir